大家仲記唔記得吳若希
可樂君都好耐冇聽到佢消息
呢幾日終於有D新聞
Jinny憑《別再記起》
喺勁歌金曲優秀選分到個豬肉獎
歌就冇以前咁高產啦
不過佢都唔少job
最近孖住森美
拍咗《森美旅行團2》
又出演新劇《多功能老婆》
emmm
不過就係一個配角咁lor
好聽D就話佢係女四
實際上睇企位都G咩事啦
想當年
佢憑《越難越愛》上位
公司力捧佢做一姐
後尾一個措手不及就返屋企生女
老闆何哲圖都冇曬符
吳若希復出之後
聲勢遠遠不及師妹Hana
舊年《使徒行者2》片尾曲破千萬點擊
Hana上位做星夢一姐
今年再接再厲唱重頭戲《深宮計》片尾曲
網友大讚唱功意境完勝女主角胡定欣
據知情人士透露
吳若希曾經爭取過《深宮計》片尾曲:
「明知執到《深宮計》片尾曲係絕世好籌,
吳若希都曾經嗲過CEO何哲圖想搶到手。」
所謂今時唔同往日
Hana先係公司嘅寵兒
雖然Jinny表面上依然氣勢凌人
但實質人氣大不如前
喺星夢嘅地位亦不如師妹Hana
你睇C位企邊個就明啦
知情人士話:
「呢啲機會以前唔使爭坐定粒六,
依家就出到聲都係輸畀人。
Jinny都知形勢唔同咗,
所以轉移目標想力挽狂瀾。」
「佢都識做嘅,爭唔到歌唱,
就叫Herman多啲嘢畀佢做、
同埋見到好多人生完靠仔女入屋,
佢都學識po多啲母女相想轉攻慈母路線!」
照目前嘅形勢嚟睇
想「收復失地」真係好難
老闆又唔捧佢
連網友都叫佢返屋企專心湊女
你哋點睇?
閱讀更多 可樂生活color 的文章