今日有報道指現年36歲的胡定欣與31歲的張振朗撻著了，有傳兩人因為月前拍攝無線新劇《包青天再起風雲》，期間要到橫店及新強拍外景，定欣同振朗朝夕相對兩個月之下日久生情，譜出了一段姊弟戀。
對於初萌芽的愛苗，兩人都想保護而採取低調政策，不過網民就似乎發現了一些蛛絲馬跡。上週五振朗31歲生日當天就於IG post了一張他所演的角色展昭造型生日蛋糕的靚相，捧住蛋糕的他留言表示：佢個頭比我更堅挺，隨即有眼利網民留言話呢個蛋糕牌子定欣好鐘意，由定欣的蛋糕設計師好友Jimmy設計，而且年年生日都會選用，故懷疑振朗這個蛋糕是定欣送的。
另外，於早前的IG story入面更見到兩人在橫店拍劇時，竟然相約一齊出去行街街，看來感動極佳。
而振朗亦有去捧定欣所演的舞臺劇《偶然‧徐志摩》場，就連今年6月單立文於紅館舉行的「搖滾大俠奏」演唱會，振朗都聯同「胡說八道會」的定欣、豹嫂胡蓓蔚、胡杏兒、姚子羚以及李施嬅一齊去撐場，兩人又分別於自己的IG上載了後臺所影的大合照，再次證明振朗同定欣感情真系相當不錯。
貴為視後的定欣入行以來先後與吳浩康、馬國明以及音樂人陳明道拍拖，可惜每段情都維持不到3年，至今亦未遇上真命天子，情路崎嶇，也令她身邊好友同粉絲都替她心急。
至於近年備受TVB力捧振朗，曾與藝員訓練班同學陳芷尤拍拖，但今年4月兩人宣佈分手。振朗對於被指與定欣撻著的傳聞就話覺得一頭霧水，否認蛋糕是定欣所送，說是家裡人送的，又話自己現時以事業為先，工作已排到明年9月。
而胡定欣表示：“嚇？（傳我哋拍拖）咁搞笑咁有趣，佢繫好男仔嚟嘅。（張振朗追過你？）冇呀，真系冇！（拖正印男友出嚟澄清？）有時間同人瞭解先得，之後要同馬浚偉去加拿大登臺。”
分享到:
閱讀更多 我愛追TVB 的文章
