鄭少秋和陶大宇兩位重量級演員，於25年前演出經典劇《大時代》已火花不斷，時至今日，二人再在ViuTV劇集《詭探前傳》遇上，一個驅鬼大師，一個黑社會大佬，首場戲交手便頻頻“過招”，大宇“丁益蟹”上身姿態十足，連秋官都忍不住笑說：“你使唔使咁囂張呀！”
由於劇中陶大宇角色兩極化，朝早是一名中醫師，晚上是黑社會大佬，所以他與同劇演員遊學修、陳安立，於佐敦餐廳拍攝一場刀光劍影的戲份，江湖味十足；
而大宇再化身中醫師，為有事前來相求的驅鬼大師秋官睇症，期間不少對白交流，字字珠璣，大顯功架，這對《大時代》“蟹父子”果然在25年後，仍然火花爆發，很有戲味。
秋官大讚大宇演技有進步。
兩人為ViuTV劇集《詭探前傳》再度合作，足足隔咗25年。
秋官接受訪問坦言：“我成日都有追大宇啲劇，再遇大宇覺得佢嘅演技，不止是進步，而系大師級！乜嘢類型角色都拿捏準確，好有默契！（對手戲多？）唔多，所以有投訴架，依家監製話會加啲我同大宇嘅戲，相信觀眾會鍾意睇我哋兩個！”
71歲的秋官分享養生之道。
而大宇首場戲與秋官遇上，即來個親切的招呼，大叫“老竇”，提到秋官要求加戲？他稱：“同老竇做戲好放心，大家有互相推動感覺，好多高潮位！秋官換衫都同我夾對白，真繫好專業，好令人敬佩。（交手好有火花？）我哋重頭戲會喺神功誕嗰日，到時我飛機，佢（秋官）就大炮，哈哈！”
秋官年屆71，見他都精神十足，他稱：“拍《詭》唔算辛苦，只系記劇中啲咒語對白比較難。（點養生？）以前食‘蜂四寶’：蜂蜜﹑蜂膠﹑蜂皇漿﹑花粉！”
大宇在旁笑說：“當年見老竇食蜂四寶好勁，如果唔系點頂，個角色（丁蟹）太體力化！（你點養生？）我冇老竇咁高檔，系要錫身，多休息啦！”
分享到:
閱讀更多 TVB新劇社 的文章
