在黃色暴雨警告信號下，新婚後的鄭嘉穎和陳凱琳（Grace）以襯到紀的黑白配造型出席中環舉行的品牌旗艦店開幕慶祝酒會，兩公婆首次以夫妻檔姿態現身搶去同場鄭秀文、蔡卓妍及惠英紅不少焦點。
這對新人到埗時由於現場滂沱大雨，顯得有點狼狽，工作人員都幫他們擔遮，嘉穎亦擔心淋溼太太，主動提出要求「不如你俾把遮我啦。」於是一手攬實Grace替老婆擔遮，一手舉傘，認真體貼，不過最後嘉穎搞到自己溼透。影完相，嘉穎緊張地幫Grace抹乾身上雨水，以防著涼，Sweet爆。
Grace表示，好開心兩公婆可以一齊出活動，至於酬勞，Grace就答OK啦！嘉穎相信邀請陸續有來，但他要求貴精不貴多！問到是否當如畀家用？Grace笑說：「家用我們一齊用。」語畢，記者指結婚時嘉穎說過把所有錢給老婆，他笑指記者：「你們多事啦！」嘉穎解釋說：「我太太好精打細算，我好放心畀數她睇，她好精打細算，無得頂！我以後負責畀錢，你負責管錢。」
提到「我太太」三字時，兩人更一齊發抖，問到Grace是否給老公100分？她笑說：「100分，我想畀多過滿分。」嘉穎笑言，做人要謙虛。Grace自爆，前晚蒸水蛋太熟致起泡大感失望，嘉穎就好溫柔地向太太說：「唔緊要，我幫你食曬。她不是成日煮，煮得多先會煮得好。今次如果我不鼓勵她，我以後就無得食，希望她可以從錯誤中學習啦！相信她下次一定蒸得到。」
兩公婆正夾緊時間再度蜜月，地點已落定。至於「造人」大計看上天給他們的禮物。對於老友胡杏兒早踢爆嘉穎喜歡生女，對此，嘉穎笑說：「子女都鐘意。如果第時生了個仔，個仔會不開心，所以都系公平少少，最緊要似媽咪。」Grace Sweet爆回答：「似爹哋都好。」對於有報道指二人為住近女家而搬至何文田，嘉穎澄清說：「其實我在那裡有投資細單位，兩單位均已出租，我不是在那裡住。」
露肩谷微波的蔡卓妍到早前滑水意外撞傷左額，這幾天唯要靠化妝遮遐，平時就要貼去疤貼，因為不能浸水，沖涼都要貼住。她表示傷口深到見骨，要搵整容醫生分多層縫針，幸而個緊生手勢好好。她承認男友石恆聰好緊張，即安排醫生給她。問她搵整容醫生可有順便整容微調？阿Sa就笑住說：「我第2日仲要開工呀！唔使開工咁都可以考慮。」
至於男友可有承諾無論怎樣都會照顧你一生一世？阿Sa笑哂口說：「唔好咁老土啦！」男友沒有反對她再去滑水，因為知她真心鐘意，唯有以後自己小心啲，其實玩每種運動都有危險性，考慮買個頭盔。」受傷後阿Sa抽空幾天和男友去了蘇梅旅行，她表示，香港經常落雨，搞到部戲拍一日又停幾日，所以抽咗幾日時間去玩放鬆嚇！
另外，惠英紅一身黑色雍容華貴晚裝亮相活動，她表示，日內拍完無線新劇《鐵探》，因要為年尾演出舞臺劇《玻璃動物園》作準備，不打算去旅行，因為角色由頭帶到尾又多對白壓力大得令她四肢及眼也爆微絲血管。
提到擔任容祖兒助手的胞妹Sandy決定退休，紅姐任對方喜歡，休息夠如想再做也可以，最緊要開心。另外，獲頒授銅紫荊星章的紅組將於10月27日出席領獎，除身邊好友鍾慧冰、林建明都為她慶祝外，老闆楊受成也會於頒獎翌日為她慶祝。她已準備好領獎戰衣上陣。
閱讀更多 seestar 的文章
