文：筆華棋
英語有個單詞叫「fetish」，意即戀物。有人喜歡吸塵機，有人喜歡胳肋底，較多聽到的應該是戀腳。
記得兩年多前，有雜誌曾報道過森美戀腳，被揭發 Instagram 內有多張長腿寫真，當中「受害者」不乏明星。最可笑的，要知道大部份有 fetish 的人，都會收收埋埋，有點自卑，試問又點會戇居到放上 Instagram ？除非你係 Quentin Tarantino ，唔單止大大聲話自己戀腳，仲要喺每套戲入面都有啲女性腳步嘅近鏡特寫畫面。
今期主角是我一位朋友琛仔。正如我所講，點解一個人有戀腳癖好，會傳到周街都知？而究竟中意腳去到咩程度，先叫癖好？謎底即將解開。
一個好簡單嘅邏輯，比方說有戀童癖嘅人，係唔會喺人前人後表現出自己喜歡小朋友， 甚至好努力咁去掩飾，就算見到美心妹妹本寫真集，都唔會望一眼。
琛仔正正係一個平時見到短裙妹豬都唔會望， Instagram like親嘅相都只係風景同朋友，甚至 follow 嘅 account 都無啲同「腿」有關 —— 最厲害係佢歷年來嘅女朋友都唔係靚腳的！
一直以來，他也是一個安分守己，女都唔多媾，又不至於宅的典型港男。
本來好地地，可惜香港實在太細，話說某日收到一個電話，是我一位混血女模好友打來。
「喂，我想問，你同阿琛係咪好熟？」
「阿琛？ Okay 啦！你又識佢㗎咩？」
「唔止識，仲俾佢食埋㖭。你知唔知佢係咪某方面好出名？」
「出名大？定有性病呀？你係咪想講呢啲？冇聽過喎，我同佢唔係熟到呢個點。」
「咁你守唔守得秘密先？」
「講啦。」
「無，佢好變態，鐘意玩腳。」
自問睇過嘅 AV 不算多，對於變態系影片橋段唔太熟悉，所以一聽到「玩腳」，我都估大約係一邊錫腳，一邊自己打J，又或者要條女用腳趾或腳掌幫手打嗰隻。
殊不知，少年真是太年輕了！所謂鐘意玩腳，原來是要關起房門，再叫我位 model friend 試試玩新嘢：當對腳係對手，然後搞嘢。
試幻想，女仔喺床上要用手做的東西頂多是安撫嚇小弟弟，model 起初覺得好唔自在，甚至有點兒核突， 總叫勉勉強強完事。好衰唔衰，原來琛仔唔中意吃事後煙，而係中意食事後面！一碗熱騰騰的辛辣麵放在枱面上， model 已經心知不妙！
點知此時琛仔話： 「餵我呀 ！」model 諗住側側膊，用手喂佢，誰知他說：「用腳呀 ！」
但一個正常人又點可以用腳揸筷子呢？於是佢夾硬用腳趾夾住啲麵，喂畀琛仔食，聽到咁核突，已經想嘔 …… 琛仔食完不特止，仲要親口舐乾淨腳上的湯汁！
Model 仔經過呢次，當然無再搵佢，而此後我每次蒲完同琛仔去翠華食宵夜，我都儘量唔會叫面， 費事佢搞到成枱都係嘛 ！
- END -
閱讀更多 至強汽車情報站 的文章
