今日臺灣某週刊就爆了吳睿軒女友個底。女友姓張，綽號「水兒」，個樣仲有啲似水原希子，國立臺灣師範大學附屬高級中學畢業後，考上國立臺灣藝術大學，高中畢業不久就被《聯合文學》睇中，做cover girl，又拍過飲品廣告同華航廣告，又曾為LV行騷。身高170cm慨水兒，現職模特兒。
週刊報道指，吳睿軒同水兒高中開始拍拖，之後男方去美國留學，水兒就一直等渠。據傳，水兒已經見過憲哥，食過飯，深得憲哥歡心，但仲有一關未過——就係未來奶奶張葳葳嗰關。
報道又話，之前憲哥長女吳姍儒想入娛圈，張葳葳反對，憲哥代女苦苦請求，最後張葳葳開出三不「家法」：不面對記者、不開記者會、不上媒體。如今吳睿軒闖下彌天大禍，張葳葳有幾嬲，可以想像到，而退出娛圈，暫時似乎系唯一慨方案！
分享到:
閱讀更多 東東榮榮 的文章
