藝人#胡杏兒#及#郭羨妮#出席紀念已故天后#梅豔芳#的電影發佈會，曾志偉特地拍片為今日生忌的梅姐講聲生日快樂，現場各人亦有切生日蛋糕向梅姐祝賀。兩女一同受訪，同屆選港姐的她們一碰頭即聚舊，表示多年來雖然有見過面，但大家都忙湊B及工作，又笑言不要再提幾多年前選美，眨下眼已變了人妻及媽咪。
提到杏兒約滿蕭定一，她表示：“其實8月中已經約滿，但一直未講，因為時機未成熟，其實唔系報道所講咁嘅關係，一直合作得好愉快，依家工作同生活唔同以前，希望有唔同方式做嘢，嚟緊睇有咩新動向同大家講。”
講到有指她自組工作室？郭羨妮即興奮表示：“好犀利呀！你快啲籤我！”杏兒只表示：“總之講得嘅時候會同大家講。”
講到今次電影，杏兒表示她們沒有交集：“其實本來有一場，但時間就唔到，大家變咗同空氣拍戲。”問到兩人可有見過梅豔芳？她們表示沒有，但梅豔芳是大家的偶像。
而杏兒的大家姐很喜歡梅豔芳，所以她對梅豔芳有深厚印象，她表示今次飾演梅豔芳的閨蜜兼歌迷：“都有聽番歌迷講番梅姐嘅往事，覺得佢真繫好好嘅偶像，對佢嘅歌迷好真誠。”
分享到:
閱讀更多 港劇資訊 的文章
