講真依家D人興轉發咩錦鯉
其實喺好耐之前就有呢種風氣
細個嘅時候睇童話故事
邊個唔想要個神燈啊！
可以實現三個願望嘅神燈
以前最爛嘅gag就係
第三個願望係再要三個願望
近年來迪士尼電影好興真人化
《阿拉丁》同樣都出咗真人版
可以實現願望嘅燈神
究竟要點樣真人演咧？
第一支預告片日前終於釋出
一貫迷幻嘅畫風
同埋迪士尼大氣嘅場面
講述藏喺沙漠中嘅秘密
個秘密當然就係神燈啦！
只要搵到呢盞神燈
召喚出燈神
佢就可以滿足你三個願望
《阿拉丁》真人版嘅導演
係曾經執導《福爾摩斯》、
《紳士密令》嘅蓋瑞奇
大家關心嘅主演方面
由埃及裔加拿大演員
Mena Massoud飾演主角阿拉丁
茉莉公主由印度裔Naomi Scott飾演
最最重要嘅燈神
係Will Smith！
《阿拉丁》喺美國2019年5月24日上映
你諗好三個願望未？
分享到:
閱讀更多 可樂生活color 的文章
