張敬軒同DJ Donald（唐劍康）早前去了澳洲悉尼拍攝「天才遊童2018悉尼篇」，短片陸續出街，他們玩了滑浪再玩滑沙。去到滑沙的沙漠，二人化身老牌荷李活演員奇連伊士活，以電影《獨行傳決鬥地獄門》的西部牛仔Look示人。軒仔話扮嘢無難度，忍笑才是最大考驗，「唔知點解一見到Donald個樣我就想笑，依家講起渠都想。拍慨時候我都唔記得NG咗幾多次，最後我諗到一個方法，就係唔講對白慨時候，我就咬住自己條脷，為咗順利完成拍攝，我真系咬得好大力，差啲變咗咬舌自盡，諗諗嚇，咁樣死咗好唔抵。」
到達地點準備滑沙之際，軒仔變身成「女歌手」降兩度，講起滑到落地面足足有四、五層樓高，令降兩度一出場就話：「張敬軒呢個無膽匪類，已經返咗廣州。」之後擘髀坐上「滑板」，差點走光。「降兩度」全程大嗌好正，見到風光如畫，仲話想在此拍輯裸照。
分享到:
閱讀更多 佳佳較瘦嘚啵嘚 的文章
