經典重現,
係宜家最受歡迎嘅畫面,
boyz重組咁啦。
不過佢哋重組,
組來組去都係2位。
呢個重組犀利咯,
係《少年四大名捕》!!!
吳卓羲,林峰,馬明,陳鍵鋒,
呢四位,
你真係要見到佢哋4個再次同框,
係超級難得嘅一件事!!!!!!
喂,因乜事咁大陣仗啊!!!
可以齊集到佢哋4個,
仲cue到合照!!!!!
原來係無線前金牌監製
潘嘉德嘅70大壽~
佢出名人緣好,
擺70大壽,
TVB前、現小生花旦
簡直係到齊咁濟,
熱鬧過臺慶。
金牌監製果然夠力,
講翻四大名捕先,
時隔咁多年,
少年四大名捕當年有幾少年?
↓
哇……宜家睇,
當年個個都好嫩口!!
徐子珊當年
再睇合照,
你覺得邊個Keep得最好???
可樂君個人覺得係
吳卓羲。
Well,佢哋四位,
已經唔同道路發展咗好耐,
咁宜家,
邊個撈得最掂呢????
嗱,唔使講,
睇TVB嘅,
大家見最多嘅當然係
馬明
民間視帝,
觀眾都等緊佢摞TVB視帝;
林峰係巨星啦,
歌影視,
演唱會個個又中意去睇,
自己獨立發展之後,
事業肯定又再上一層樓。
吳卓羲嘅話,
都一路有拍戲,
最近嘅《飛虎》,又重回熱度,
後來來咗內地發展,
都拍過幾多作品,
最經典就係呢一幕啦!!!
喺《最佳前男友》度,
吳卓羲係將發爛渣嘅女主角
一嘢掟落水,
等佢冷靜下,
做得好~~~~~~~~~~~!!!!
佢都有上好多綜藝節目,
尋晚個post嘅封面,
好多人留言問,
就係佢上《快樂大本營》嘅截圖。
佢之前幫毛記拍個個廣告,
超好笑,
佢嘅喜劇感依然仲好足嘅~~
然後就係陳鍵鋒啦。
佢10年就離開咗TVB,
之後就來內地拍劇,
哇,佢拍咗咁多年,
全部,都系做男一,
認真把炮,
今年仲進軍埋電影界
而佢拍《美人心計》,
仲被譽為“史上最靚仔皇上”添
其實咁睇,
佢哋4個都撈得好好喔!!
都可喜可賀啦~
當然佢哋4個,你最like邊個??
閱讀更多 可樂生活color 的文章