進軍內地市場多年嘅Angelababy（楊穎），15年與黃曉明結婚，17年初仲誕下囝囝「小海綿」，人氣依然居高不下。人紅是非多嘅佢，成日俾人話佢耍大牌，好似近日就有影片截圖流出，截圖中佢全程冇彎低腰，要助手幫佢著襪同換鞋。截圖曝光後，隨即喺網上瘋傳及引起網民熱烈討論。
據知Angelababy當時系準備拍廣告，現場好多工作人員都忙於幫佢整理造型，去到換鞋嘅時候，身穿白色西裝嘅Angelababy就全程冇彎低過腰，只系輕輕提起一隻腳，之後佢助手就踎低幫佢著襪同換鞋。唔少網民睇完圖片都忍唔住批評佢：「她一年給她的助理多少錢？連襪子都要助理穿」、「明星自己沒長手嗎？」、「當明星真好」、「有錢的話可以為所欲為」及「公主病」等等。
亦有網民撐佢話：「拍攝廣告要求時間效率，大家一起幫忙，那裡不對了？」、「為了保證拍攝過程快一點，肯定每個人都要分工明確好吧，別隻看換鞋，還有上面的整理髮型、補妝人員好吧」及「這是正常工作狀態，可以理解。」等等。
分享到:
閱讀更多 開心一刻小視頻 的文章
關鍵字: Angelababy 黃曉明 娛樂
