奧斯卡喺今早(北京時間)舉行,
大家有冇睇直播啊???
其實奧斯卡每年嘅角逐電影,
頒獎之前
好少喺國內有火花,
因為D片根本冇睇過。
睇奧斯卡,
好多時都係睇睇明星八卦,
睇睇紅地氈look咁。
奧斯卡每年都會安排特別環節,
去緬懷,紀念過去一年
逝世嘅電影人。
今年,
有我哋熟悉嘅高以翔。
高以翔喺亞洲好紅啦,
個個都識,
個個都好惋惜。
佢13年喺Hollywood拍過
一部魔幻電影
《聖盃神器:骸骨之城》
(The Mortal Instruments: City of Bones)
雖然佢唔係擔正男主角,
但係佢喺戲中嘅角色有關鍵作用,
戲中佢嘅男巫造型,
有電眼!!!
咁靚仔,咁好人,
唉……
奧斯卡今次紀念,
又掀起網友再一次惋惜,
有導演嘅懷念,
亦有佢主演嘅電視劇,
仲有佢嘅好朋友
毛加恩話:"Always missing you."
佢女朋友當然都有
對佢再一次示愛。
講翻今屆奧斯卡,
若然你有follow開歐美電影,
今年奧斯卡嘅得獎,
你滿唔滿意啊????
今年橫掃奧斯卡嘅猛片,
係《寄生蟲》,
《寄生蟲》熱門咗唔止半年了吧????
掃盡各大頒獎典禮,
今次更加係韓語片第一次
贏得奧斯卡最佳影片,
創造咗歷史!!!
真係好犀利!!!!!!!
話時話啦,
大家睇咗未噶????
放假咁多日????
未嘅話都唔緊要,
假如你仲有假,
今次一定要睇啦!!!!
《寄生蟲》講述嘅普通人囧況,
其實,
大家喺日常生活都見唔少啊????
喺身邊四周圍望望,
又或者上微博掃一圈,
都唔難發現。
《寄生蟲》震撼到西人嘅角度,
可能同我哋睇嘅角度唔同。
同係亞洲人,
同係普通階層,
我哋嘅共同點會多啲。
最後附上今屆奧斯卡部分獲獎名單
最佳影片:《寄生蟲》
最佳導演:奉俊昊《寄生蟲》
最佳男主角:華金·菲尼克斯《小丑》最佳女主角:芮妮·齊薇格《朱迪》
最佳男配角:布拉德·皮特《好萊塢往事》
最佳女配角:勞拉·鄧恩《婚姻故事》
最佳原創劇本:《寄生蟲》奉俊昊/韓進元最佳改編劇本:《喬喬的異想世界》
最佳動畫長片:《玩具總動員4》
睇過嘅仁兄/妹,
你哋有咩感受啊????
講來聽下????
羊城晚報報業集團旗下優秀生活類媒體可樂生活Color,度身打造專屬廣州人的吃喝玩樂指南,潮流風向標資訊。
閱讀更多 可樂生活color 的文章