藝人黃智雯、胡楓及鄭俊弘等現身電視城，為節目《流行經典50年》錄影。鮮有在螢幕獻唱的智雯，透露會演繹經典情歌《唯獨你是不可取替》，原來只因這首歌為她與男友來說意義非凡：“男友唱歌好叻，佢曾經喺卡拉OK同朋友聚會上演繹過呢一隻歌，好感動嘅，我都想盡量投入，會諗番啲拍拖時嘅感覺，同埋好似對住男朋友讀情書一樣。（有壓力？）唔會，反而會以輕鬆嘅心態，好好享受舞臺。”
正為新劇《使徒行者3》開工的她，透露會一改形象，加插不少動作場面，她對自己身手信心十足：“因為我跳開舞嘛，啲動作可以好似舞步咁記熟佢。（接受特訓？）又冇，開拍前我哋有演技工作坊就真，所以拍得順利。（感情線？）故事仲發展中，都期待有（感情線）嘅，而我同三哥（苗僑偉）、林峰，同馬國明比較多對手戲。”
分享到:
閱讀更多 港劇館 的文章
