唔聲唔聲，
連敖嘉年都離巢了。
佢今年1月正式離開
服務咗24年嘅TVB。
TVB揀人拍劇，
演員氣質同角色通常會好match，
敖嘉年一開始嘅時候，
簡直係正氣角色嘅代表啦！！！
睇睇佢第一部戲，
係《封神榜》，
佢扮演李木吒，
係個種擔屎唔偷食嘅正直人，
戲中佢個人腰板坐得好直，
加上佢面型線條分明，
令觀眾覺得：佢值得信賴。
佢得到第一個拍劇機會，
係曾勵珍鼓勵佢，
拍劇之前佢係一位電臺DJ，
完全冇經驗之下要接戲，
連劇本都未識睇，
佢話：“我一打開，咁多字！有啲三角形係解釋你當時嘅情緒，我就問導演呢啲三角形我係咪都要讀埋，成班人喺到笑！”
開始拍戲之後，
佢演咗好幾年配角、閒角同二打六，
有佢份嘅劇，都OK紅，
多人睇，好評度高，
觀眾亦對佢漸漸熟悉。
《衛斯理》啦，
《楚漢驕雄》
《胭脂水粉》啦，
《律政新人王》啦，
《野蠻奶奶大戰戈師奶》啦，
咁樣一數，就差唔多10年。
從閒角演到配角，
當然係演技進步嘅體現。
卒之，
來到09年嘅《巾幗梟雄》，
佢做到第四男主角。
套劇好睇，卡司強勁，
敖嘉年做到反派
敗家仔蔣必文，
仲憑藉呢個角色，
摞到“飛躍進步男藝員”！！！
演技得到觀眾同高層嘅肯定！！
接下來，
佢喺《碧血鹽梟》嘅角色
觀眾順住勢頭like。
然後就到佢最紅嘅角色，
《巾幗梟雄之義海豪情》中飾演嘅
命運悲慘、單純善良嘅“排骨仔”。
哇，
當年睇，真系受到好大震撼，
佢呢個時期，
真好激瘦！！！！！！！
角色收穫到好多好評，
但估唔到嘅係，
原來拍呢出戏令佢
每日都陷入負面情緒，
搞到抑鬱。
做TVB藝人肯定辛苦，
佢要去到喊出來，
先釋放到壓力：
“我曾經試過拍劇壓力大到每晚返到屋企沖涼都要喊，將嗰種情緒紓發出嚟，咁先瞓得著，好辛苦㗎！”
敖嘉年係TVB嘅生涯
告一段落，
咁之後佢要做咩？？？？？
佢喺TVB尚有2部未播劇，
16年佢同圈外女友拉埋天窗，
一齊開咗廣告公司。
同年佢有拍
電影《盜墓筆記》，
未來可以發展下內地市場。
今年佢有錄到北京嘅新年節目。
去年嘅《葉問4》
佢都有輕微亮相。
咁樣睇翻，其實都幾唏噓。
喺TVB嘅年代，
佢冇咩機會做男一，
演技佢有嘅，就差機會。
期待下佢有男一演出嘅劇集或電影啦！！！
劇照
羊城晚報報業集團旗下優秀生活類媒體可樂生活Color，度身打造專屬廣州人的吃喝玩樂指南，潮流風向標資訊。
官方唯一商務合作QQ：19021820609
閱讀更多 可樂生活color 的文章
