Everybody
又到咗熟悉嘅禮拜一
睇完《法證4》
可樂君知道大家劇荒
所以又嚟安利大家新劇啦!
今次要介紹嘅新劇
係林保怡主演
兼首次監製嘅《嘆息橋》
劇集喺網絡平臺上線兩日
已經取得8.9高分嘅成績
你準備好入坑未?!
嗱
之前先討論過
如果有《法證5》
大家想睇邊D演員上陣
不少fans都有諗起林保怡
因為佢主演過嘅
《鑑證實錄》《讀心神探》
查案真係幾好睇!
(講講下又想翻煲!!!)
今次新劇係講
主角們糾纏一生嘅愛恨
雖然唔係刑偵片
但依然有不少fans睇到咗
“讀心神探”嘅身影
第一集林保怡飾演嘅Thomas
就憑自己嘅觀察同推理
識穿咗客人、夥記、老竇
同埋女友各人嘅“秘密”
可樂君突然間諗起
某個廿年都長唔大嘅小學生名言:
“真相只有一個!”
劇集仲有好多熟悉嘅面孔客串
包括“有錢大曬”組合梁健平
“Sorry,有錢真係大曬”表情包
就係出自《讀心神探》
今次見到林保怡同梁健平同框
真係有趣嘅緣分!
另外仲有好耐無見嘅
唐寧姐姐
秦沛、艾威
洪永城女友梁諾妍Inez
都有份出演
目前睇過嘅朋友仔
好多都俾咗五星好評!
有網友表示
等咗一年幾都係值得嘅!
劇集不同於一般嘅C9劇
林保怡介紹劇集嘅時候
就話要探討人性
到底人生應該有咩目標有咩方向
而劇集每一個角色
都代表著社會里邊嘅
一D人或者一群人
(點擊睇介紹)
☟
另外劇集結構特別在於
每一集都由一個角色嘅視點出發
比如第十三集出現嘅場景
時序上、邏輯上喺係第六集之前
需要觀眾頭腦好清晰或者好專心去睇
同一件事
唔同人唔同角度
又會睇到不一樣嘅故事
真係very interesting!
最近林保怡都好落力宣傳新劇
微博上po咗好多《嘆息橋》相關內容
佢嘅抖音都有宣傳劇集
仲叫《嘆息橋》係“我的寶貝”
睇嚟佢自己都超愛呢出劇wor!
well
咁多位劇荒嘅朋友仔
除咗有最新嘅《嘆息橋》可以煲
早前播完嘅《二月廿九》
都幾多人推薦噶!
正所謂橋唔怕舊最緊要受
呢出穿越愛情劇
有興趣都可以煲一煲!
最後
可樂君搵到一個
當《嘆息橋》遇上《法證4》嘅視頻
如果係呢個陣容嘅劇集
你會唔會鐘意呢?!
(點擊睇片)
☟
你仲記得林保怡邊D劇?
新劇嘅題材你又like唔like?
有乜想講
除咗可以留言話俾可樂君G
入可樂福利群搵大家吹水噶!
互聯網綜合整理
*文中圖片如涉及侵權請聯繫,立即刪除
羊城晚報報業集團旗下優秀生活類媒體可樂生活Color,度身打造專屬廣州人的吃喝玩樂指南,潮流風向標資訊。
官方唯一商務合作QQ:19021820609
閱讀更多 可樂生活color 的文章