真係估唔到
到咗2020年
仲可以食到06年超女嘅瓜
講嘅就係呢兩日
大家熱議緊嘅
許飛嘅一篇微博
擺到明就係直接開撕
明星咁直接咁樣當面diss
都真係算少見
所以件事其實係點？
又到科普時間
依家嘅瓜可能都要科普
大家先睇得明……
其實件事嘅緣由係
新一期《王牌對王牌》節目
節目組俾咗尚雯婕一個驚喜
就係將當年超女嘅幾位
請咗去現場敘舊
點知無大家預想中嘅溫馨
場面係一波接一波嘅尷尬
許飛嘅微博非常直白
直言佢自己去節目
就係為咗錢
仲直接講
其實佢哋私下嘅關係唔好
同陌生人無區別
仲diss尚雯婕高冷
仲唔回覆佢私信
然後要話尚雯婕d水軍好勁
出曬面去搞佢...
睇完就係
尷尬
非常尷尬
喺節目入面
06超女們出場嘅時候
尚雯婕睇得出真係好驚喜（嚇）
直接蹲下
出場嘅人有
許飛、厲娜、唐笑、韓真真
許飛出場一開始就係重磅發言
話尚雯婕從來唔復佢私信
尚雯婕話自己本身就
唔點睇私信
而且佢好似一直都係
唔中意社交嘅性格
呢點喺之前劉力揚有講過
其實06屆嘅超女
都會偶爾有聚會
只不過都唔見尚雯婕嘅身影
突然之間要喺臺上
扮姊妹情深
好似又真係幾難
睇得出節目組其實
就係為咗炒作話題
不過許飛無停止進攻
佢鍥而不捨咁一直講
呢個時候已經全場沉默了
許飛仲係要加一句
節目睇到呢度已經覺得
真係好尷尬
不過據現場觀眾反映
其實過分嘅已經剪咗好多
節目播出完之後
許飛又發條咁嘅微博
真係令吃瓜路人震驚
來到呢度
可樂君要問大家兩個問題
06年嘅超女究竟有邊個？
前十強你仲認得幾多個？
問咗周圍同事一圈
大家嘅反應都係：
咦？何潔好似唔係？
黃雅莉？都好似唔係？
好似依家仲喺娛樂圈
比較有熱度嘅
其實就係得尚雯婕同譚維維
尚雯婕除咗繼續做音樂之外
近幾年都開始做製作人
發掘D新歌手
後來《聲入人心》嘅節目
又幫佢拉咗一堆新嘅粉絲
譚維維都活躍於各種舞臺
當然都成日
會喺唔少音樂節目度見到佢
呢兩位其實當年嘅恩怨都唔少
因為冠亞軍爭得火熱
後來關係都好緊張
仲互相有出歌diss對方
不過後來關係緩和咗
譚維維都話自己
後悔唱咗呢句歌詞
大家吃完瓜
有咩觀後感？
你覺得係許飛太咄咄逼人？
定係尚雯婕太假？
或者根本就係節目組問題？
微博
*文中圖片如涉及侵權請聯繫，立即刪除
羊城晚報報業集團旗下優秀生活類媒體可樂生活Color，度身打造專屬廣州人的吃喝玩樂指南，潮流風向標資訊。
官方唯一商務合作QQ：19021820609
閱讀更多 可樂生活color 的文章
