《死侍2》上个礼拜已经上映咗
从票房上睇
影迷对死侍嘅热爱程度
仲劲过《复联3》啊
其中玩电鞭嘅GA妹Yukio(雪绪)
虽然戏份唔多
却成为fans疯狂搜索嘅对象
忽那汐里饰演嘅Yukio
係「弹头」嘅女朋友
能够操纵雷电使用电鞭
电影中同死侍嘅互动都好可爱
fans睇过之后对佢念念不忘
IG粉丝数目持续上升
唔少fans都嚟留言「Hi Yukio！」
原因係片中死侍每次见到Yukio
都会煞有介事咁打招呼：「Hi Yukio！」
然后忽那汐里就会讲：「Hi/Bye Wade！」
fans就有样学样
喺忽那汐里IG留言洗板
编剧Paul Wernick
都大赞忽那汐里表现出色
觉得Yukio戏份太少
希望以后有机会加戏
忽那汐里现时25岁
加入漫威宇宙后全球爆红
其实佢一直都係潜力股
出生于澳洲
并喺当地长大
所以讲英文非常流利
2006年嘅时候参加国民美少女大赛
夺得评委会特别奖
隔年正式出道
曾经出演过《3年B组的金八老师》
《家政妇三田》《鸭川食堂》等日剧
真人版《柯南》
饰演女主角毛利兰
从影之后曾经夺得
日本电影学院奖最佳新人奖
TAMA映画祭最优秀新进女优赏
近年挑战大银幕嘅忽那汐里
喺侯孝贤电影《刺客聂隐娘》
饰演妻夫木聪妻子
喺《女人沉睡时》与北野武饰演情侣
识讲流利嘅英文係佢一大优势
忽那汐里与Jared Leto饰演恋人
忽那汐里嘅发展越来越国际化
今次通过《死侍2》爆红
相信对佢未来嘅发展有好大帮助
你觉得佢点？