歌手古巨基（基仔）担任内地音乐节目真人秀《蒙面唱将猜猜猜》第三季的猜评团新成员，第一集蒙面唱将“送你一只千纸鹤”同合唱团合唱咗一首《明天会更好》，“千纸鹤”一开口就令猜评团热烈讨论，估“千纸鹤”系周慧敏，不过基仔就不停误导大家，仲喺急口令环节亲自演译粤语版“红鲤鱼与绿鲤鱼与驴”打圆场。除了唱歌，“千纸鹤”仲现场大晒她模仿签名技能，睇到在场人士哗哗声！其中一位猜评团成员侯佩岑睇到“千纸鹤”的背影，就估佢系周慧敏，仲走去问基仔，基仔就故弄玄虚咁话：“我只能说像她，但我觉得不是她。”
最后，猜评团成员根据手上线索，最终锁定“送你一只千纸鹤”就系周慧敏。当基仔亲自走去揭开“千纸鹤”面纱时，先笑住话其实一早已经知道周慧敏要嚟，仲话自己左右为难，喺台下忍得好辛苦。
周慧敏蒙面献唱
古巨基认出