周潤發發哥生日 ，今年發嫂悉心包場為老公攪神秘生日會，請來發哥主演的電影《無雙》監製黃斌、導演莊文強、和齊齊成為「行山友」的廖啟智智叔、方中信，安樂電影公司老闆江志強和攝影師潘耀明等好友外，當中最驚喜更是四哥謝賢現身。
發嫂昨日提早個多小時已到酒店打點，生日蛋糕是她和發哥二人擁著坐在公園長櫈自拍的造型，感覺溫馨非常，而發哥亦坦言老婆驚喜安排成功。「以為只系幾個朋友食飯，完全唔知有老闆、監製、演員同四哥，好開心。生日願望系可以繼續跑山見神仙，系山過美好生活，好開心㗎！」
至於同樣風趣的四哥，面對發哥教他原地慢跑時，不時古靈精怪，又和發哥鬥fit；當智叔即慶獻唱《上海灘》時，發哥邊和他自拍邊合唱，唱了幾句更挑機邀四哥扭腰跳舞，四哥自然鬼馬奉陪。發哥表示二人對上一次飯聚是個多月前，他好想將行山樂趣帶給四哥，所以和對方定了「十月之約」！
「十月秋風起上山舒服啲，等佢唔好話自己年紀大無嘢做，下半世就係照顧好謝賢一個，依家由五分鐘、十分鐘跑起⋯⋯佢細我兩歲，練到十月一日就可以帶佢上山見嚇神仙。」
分享到:
閱讀更多 seestar 的文章
