《宫心计2深宫计》大结局啦
你有冇睇到先？
当晚剧中众多演员
都有现身一齐收睇结局
几位尚宫局美魔女s
播映前仲唱咗主题曲添
虽然套剧唔係个个都like
但话晒喺内地都有32亿点击率
小青姐就有意开拍第3季
更加点名大赞陈炜、马明
希望有机会再一齐合作
炜哥就话小青姐未揾佢倾
相信真係要拍都需要时间筹备剧本
仲话希望新角色有感情线
最想同曾伟权再续情缘
因为今次喺剧入面太惨啦
马明知道小青姐大赞自己
就话归功于编审
作为演员睇到剧本都好感动
所以唔会好难演绎
一切全靠个剧本
一旁嘅黄心颖就话
开拍第3季自己会无份
事关剧中自己已经过咗身
但马明就话第3季应该有全新故事
剧中角色三恕若芊好有回响
问到两人会否继续拍住上
心颖：「佢唔想啦！」
马明就表示睇公司安排
另一方面
胡定欣就话冇听过有续集
但见到咁多观众支持
相信小青姐都要花好长时间
雕琢新剧本
马仔就话原班人马出演有难度
但有出续集嘅谂法佢都好开心
对于拍续集
观众又有咩反应呢？
有人话心悠娜姐功不可没
有第3季一定要倾掂佢两个
有人就话咪玩啦
平均年龄40松D
下集拍《宫心计3老友计》？
如果真係出第3季
有边D演员你最想睇到呢？
分享到:
閱讀更多 可樂生活color 的文章
