四年一度世界盃昨晚打響第一戰,不知道你們看了沒?
仔細觀察好多球星天生明星相,同港星撞樣,球迷不用搭長途機追星,在港一樣有機會捕獲呢班「撞樣」萬人迷,當中唔少得球王美斯同影帝張家輝似到啪啪聲;
而講到蘇亞雷斯與雷莊兒就一定要認住棚牙;自言有「世界樣」的張敬軒似足韋利安;「萬能Key」周柏豪與卡拉斯高猶如「失散兄弟」……
學黃興桂話齋,佢哋真系似到「神奇、頂級、超卓」呀!
張家輝
美斯(阿根廷)
相似度:95%
若要人似我,除非兩個我!阿根廷球王美斯跟香港金像影帝張家輝有多似不用多說,個樣似到以為同一個阿媽生。
其實佢地事業都好相似,美斯乜球會同個人獎項都攞過,只差世界盃冠軍加冕,長年被寸自己隊波是「亞軍廷」;至於家輝亦有個幾乎不可完成的任務,就是攞奧斯卡影帝。但家輝會比美斯容易成功,因為美斯有一班豬隊友。
蘇亞雷斯(烏拉圭)
雷莊兒
相似度:90%
千呼萬喚!有「咬人蘇」之稱的烏拉圭神鋒蘇亞雷斯絕對不能不提。
全港市民幾乎人人都知咬人蘇跟就快卸任的港姐冠軍雷莊兒似樣,二人一棚哨牙永遠深深烙印港人心坎中。
雷小姐之前話要離開香港勇闖荷里活,其實真系可以去搵「咬人蘇」傾傾商機,說不定殺出條血路。
徐榮
沙拿(埃及)
相似度:80%
徐榮自己話過似好多球星,呢期佢最似定必是效力利物浦的埃及神鋒沙拿。嗱嗱嗱!他們臉上鬍子分佈驚奇地一樣,再加上炯炯的眼神,簡直孖生一樣。
如今沙拿炙手可熱,但被皇馬茅躉後衛沙治奧拉莫斯摔跤式整傷,埃及全國祈求沙拿早日康復,徐榮可以抱埋囡囡包包出來,為沙拿哥哥打氣唷。
吳鎮宇
奧祖亞(墨西哥)
相似度:90%
睇相就知,墨西哥龍門奧祖亞跟Sam哥吳鎮宇有幾似,似到奧祖亞穿起機師制服、鎮宇戴上龍門手套就可以直接交換工作。
不過奧祖亞之前因為召妓風波搞到一身蟻,雖然唔使踢出國家隊,都搞到名譽掃地。向來不平則鳴的鎮宇一定要出聲,鬧爆奧祖亞踢世界盃要醒醒定定,洗心革面。
卡拉斯高(比利時)
周柏豪
相似度:60%
現已轉戰中超球隊大連一方的比利時中場卡拉斯高,因為生得靚仔,向來都多女Fans,尤其「比比鳥」髮型跟香港男神周柏豪一模一樣,若柏豪留埋須,唔使Pass都可以走入比利時更衣室。
老老實實,柏豪真系可以學卡拉斯高仰望神州搵人仔,不過首先要問過老婆先,你懂的!
奧斯爾(德國)
陳友
相似度:70%
德國10號仔奧斯爾(奧燒)今屆會帶領球隊衛冕,除了球技、懶散和踢波冇氣外,奧燒最多人談論就是他跟很多人撞樣,除了法拉利的創辦人Enzo Ferrari似到十足外,也跟香港藝人陳友似得交關,尤其是一雙招牌大眼。
不過奧燒揀波踢,陳友百足咁多爪事事親力親為,就是兩者致命分野。
張敬軒
韋利安(巴西)
相似度:50%
人人都知張敬軒系萬能Key,赫然發現,軒仔跟巴西翼鋒韋利安都好似,深邃的雙眼皮同蝦餃下巴都系他們的標記,不同的只是膚色和南轅北轍的髮型。
如今巴西成為世界盃冠軍大熱,軒仔咁鍾意扮嘢,不妨整件巴西球衣、塗黑膚色、炸爆個頭,相信可以吸到好多Like!
沈震軒
尼馬(巴西)
相似度:60%
巴西代有球王出,今屆世界盃森巴兵團繼續有尼馬領軍。早前沈震軒無厘頭話自己天生混血兒樣,似足尼馬咁話。
雖然佢唔怕畀人笑,但依家同尼馬一樣留了須,加上亂糟糟的髮型,又幾似孖兄弟。不過奉勸沈震軒切勿似尼馬般寸寸貢,隨時畀人踢跛腳!
你覺得似唔似呢??
關注只需長按二維碼
喜歡請朋友圈
閱讀更多 廣飲廣食 的文章