相關視頻頭條不肯給我通過！
人稱「大劉」的華人置業老闆劉鑾雄出名好火，即使就快67歲，罵起人上來依舊中氣十足，他老人家前日就在銅鑼灣希慎廣場，因事同一位路過少女發生爭執，引來途人圍觀。
有人當日下晝5點左右，由希慎廣場啟超道入口準備行入商場，離遠就見到大劉在七人車步出，連埋保鑣一行數人，浩浩蕩蕩走入去，當傅先生搭扶手電梯上1樓，已經聽到有人吵架，但就不知系哪個，到步上往2樓的扶手電梯時，終於聽得出把聲系來自大劉，他老人家竟然一路罵到上2樓，當時他身邊多了老婆甘比，還有一對兒女，當大劉打算轉身走時，被罵的短裙少女反罵︰「你唔敢呀？」還叫他「積福」，這一句話把大劉惹火了，「積你個福！積你老母！我子女受傷系咪你賠呀？」少女辯稱︰「我睇緊㗎！」大劉再爆一句︰「你掛住睇你慨（手）機呀！」
雖然大劉戴住口罩，拎住柺杖，但依然中氣十足，仲睩大對眼，睇得出渠非常嬲，而甘比就全程都企喺大劉同少女中間，安撫丈夫，但似乎唔多成功。呢個時候，救星到喇，一位相信是大劉同甘比慨囡囡秀樺，行埋大劉身邊，叫咗聲「爸爸」，原本怒火街頭慨大劉，火氣即刻下降，轉身走人。短裙少女表現無奈兼擰曬頭，途人忍唔住話︰「有錢大曬！」傅先生估計，短裙少女喺搭扶手電梯時，掛住玩手機而阻住大劉一家慨去路，仲撞到渠一對仔女，令一向愛子女心切慨大劉扯火鬧人。不過傅先生認為，無論件事誰對誰錯，大劉系富豪兼名人，公然同途人嘈交始終有失身份，「幾十歲人同個女仔嘈，好心就收嚇火啦」。
分享到:
閱讀更多 菜喳 的文章
