嗰次換腎，竟然有人同我講，你死左啲錢都帶唔走，叫我捐7,800萬加拿大紙，去加拿大一家佛堂
我心諗，第一，我有仔女；第二，我喺香港都好多善事可以做啦，但竟然溫哥華有人過嚟諗住叫我捐7,800萬加拿大紙，你聽見好唔好笑？渠諗住你就嚟死，意志唔得，可能就會：『好啦，搵人幫我籤個名啦！』可能佢咁樣諗啦。」
「所以呢方面我的開始學習，開始知道點樣防範啲人埋嚟。大把呢啲咁慨人。發夢冇咁早啦！」
劉鑾雄憶述早前接受換腎手術期間，遇到的光怪陸離事
其實有啲仲好笑。都系同錢有關。「日日都有人喺福臨門等我、喺公司等我。」做羊呢？求職，或應徵做「傍友」。此時大劉又爆出另一金句：「好多人鐘意有『傍友』。『傍友』系全世界最大慨工業。（你身邊有冇？）梗系冇啦！大佬，我的呢啲都算系精甩尾㗎喇，點會俾人的傍呀？」
講番喺福臨門等大劉
原來有人更猛：「不知幾多人寫信嚟，或者阿媽帶埋個女嚟，想我去照顧佢個女喎！」大劉做左一個「冇你咁好氣」的表情：「望都唔敢望聽都唔想聽啦！莫講唔敢有貪念，有都唔夠膽啦！點知你係咪捉黃腳雞㗎！呢啲咁基本動作，我的行走江湖咁耐，唔系咁都唔清楚嘛？如果俾人咁樣屈你強姦，系一個笑話嚟㗎嘛！」
笑完講番正經。大劉接受換腎手術前，也真是命懸一線。只是差兩天。差兩天再不做手術，生命就有危險。那段時間，大劉亦確實已安排了後事。
可能我兩三個月內就會死
「第一，覺得身邊有邊啲人要照顧，邊啲人要take care，咁就儘量做啦，好似我曾經匯過二、三百萬美金俾New York一個廿幾年冇見慨朋友；又匯左百五萬去LA，俾一個廿幾年冇見慨朋友。當時渠都有照顧我，依家唔知渠生活環境點樣，你明我意思嗎？喺美國如果突然有百幾萬美金就好好用㗎啦。當年渠的都照顧得我好好。我都要照顧番人的。」
「第二，可能話……我會挨唔住，可能我兩三個月內就會死。咁你係咪要講定身後事？我同我老婆（甘比）講，話就算我唔喺度，有邊啲人搵你幫手，你都要幫。」邊啲人呢？包括大劉發跡前一起開廠的拍檔，原來數月前大劉還跟他承諾：「你出聲，我一定會幫你；你啲仔女要幫，我都一定會幫。因為我仲念念不忘，渠曾週轉過兩三次慨錢，嚟幫手出糧。唔系捱過嗰兩三次呢，可能間廠已經執左笠。」得人恩果千年記。
華置月初宣佈大劉將股權轉讓時，曾稱大劉健康極為不穩。此訪問於發聲明前近一個月進行，當時大劉精神不俗，又稱已逐步開始做運動，也不大用拐仗借力，中氣亦好好多，他笑言：「試過有一次12點講野講到夜晚九點半冇停過。」作息時間亦改變了，以前是夜貓子，現在晚上十一點半睇完新聞就瞓，早上七點半至八時起身，然後返華置。
用多啲時間陪屋企人
接受換腎手術後的大劉，可想過再創事業高峰？他說：「我唔知，亦唔敢講，因為健康先至行第一；第二，我依家用多啲時間陪屋企人，多過我去搵錢。因為無論我搵多幾多，或者我搵少幾多，我都唔會使得到㗎喇。」現時大劉每日最少抽一次血，監察住自己身體狀況，在家中會有傭人24小時看護他，現時他的身體狀況還算可以。
「四十幾年前冇錢，真系遇佛弒佛，遇父刺父，都要做。今日嚟講，人喺死亡邊緣，你會更加珍惜自己健康。」
閱讀更多 江湖猛人上海仔 的文章
