36岁大台视后胡定欣情路坎坷，入行16年先后与吴浩康、马国明、沈栢淳、音乐人陈明道（Terry）拍拖，可惜每段情都敌不过3年魔咒。
前年定欣同Terry分手后，与陈展鹏拍剧传擦出爱火花，但最后却跑出真命天女单文柔，感情空虚嘅定欣惟有寄情工作。
正当大家都以为佢冇拖拍，有爆料定欣同备受大台力捧嘅张振朗（Owen）疑暗挞姐弟恋！
去年凭剧集《踩过界》上位嘅张振朗，现备受大台力捧。
今年接拍新剧《包青天再起风云》同定欣合作，3月两人与同剧艺员姚子羚、曹永廉等到横店及新彊拍外景，朝夕相对两个月，疑似日久生情！
上个礼拜五系张振朗31岁牛一，佢喺社交网晒「展昭」造型生日蛋糕相，捧着蛋糕兴奋留言：「佢个头比我更坚挺」有眼利网民踢爆：「呢个蛋糕牌子系定欣钟意，而且年年生日都用，系佢送的？」
爆料人就认得呢个「展昭」蛋糕，系定欣嘅蛋糕设计师好友Jimmy设计，每年定欣生日，Jimmy都会整蛋糕恭贺，估计之前张振朗跟Jimmy应该唔识，生日蛋糕好大机会系定欣送嘅。
爆料人仲提供咗两人嘅ig限时动态cap图，发现佢哋在横店拍剧时，相约一齐出去逛街。
而早排定欣做舞台剧《偶然‧徐志摩》，张振朗都有现身捧场，甚至今年6月单立文喺红馆为「摇滚大侠奏」开骚，张振朗都跟埋「胡说八道会」嘅定欣、胡杏儿、豹嫂胡蓓蔚齐齐睇骚，仲入埋后台影大合照㖭。读者质疑：「奇怪系Owen同豹哥唔熟，为何会埋咗佢哋堆？」
被受大台力捧嘅张振朗，曾与艺员训练班同学陈芷尤拍拖，惟今年4月两人各自在网上宣布分手，强调当中不涉第三者。
对于与胡定欣传绯闻，张振朗接受传媒访问时表示：「我都一头雾水。」定欣送蛋糕？佢话：「No~~我屋企人送嫁。」介唔介意姊弟恋？「讲真，事业为先啦，其他嘢唔谂住，工作排到出年9月。」
唉，每逢新戏都要搞点新闻，感觉已经成为了宣传手段。现在都审美疲劳了。不管怎样，希望胡定欣可以早日找到自己的如意郎君！
閱讀更多 廣飲廣食 的文章
