古天樂、姜皓文（黑仔）及顏卓靈等昨天為新片《犯罪現場》開工拍攝打劫珠寶行的戲分，劇情講飾演警察的顏卓靈及黑仔遇上悍匪古仔，因而展開一場槍戰。劇組豪擲七位數字、花了兩個月時間在佐敦搭了一間珠寶行場景，古仔表示，日前封兩條馬路拍攝，沒料到期間有大媽路過，誤以為搭景是真的珠寶行想入內參觀睇鑽飾！
古仔指出，最辛苦於35、36度酷熱天氣下拍街景，由於是冬天戲，演員全程要著住皮褸，還要焗住拍動作、槍戰、飛車、爆炸鏡頭，好多演員曬完一日都有中暑感覺，連他都拍到暈暈地。目前古仔同時拍攝三部電影，指每組都會拍幾日，所以事前一晚都會Mark低有關的數據，做好分析，不會出現混亂情況。
談到畲詩曼（阿畲）簽約古仔旗下經理人公司，古仔表示，要問番對方經理人。問到阿畲有無潛質在電影圈發展？他指出，阿畲是電視臺一姐，當然覺得她好有潛質啦！對於他和容祖兒為廣告拍了一個《幾時都流行》MV，可惜古仔沒有跳舞令觀眾感到失望。對此，古仔笑言，有跳㗎！可能被剪掉。他笑說：「又唔系以前只舞，就算是以前只舞都要花時間去排，但我就無時間。」
今次演警察的黑仔在珠寶店景連拍七晚，之前攞正牌犯法拍了一場逆線揸車衝入珠寶行，雖然封了行車線，但都有車，所以拍之前都試好多次要試位試得好準，都有危險性，最搞笑有途人以為他是真警察，可能他夠正氣。
首次揸搶的顏卓靈飾演紀律部隊，未拍過槍戰戲的她表示好新鮮，但沒想過揸槍姿勢也有難度，事前要練習很多次，才有丁點象樣，原來要有好大氣力的。
分享到:
閱讀更多 seestar 的文章
