七夕快乐
为大家送上今日份狗粮
↓
熟悉TVB剧嘅你
对于黄德斌肯定唔陌生
佢出演嘅剧不在少数
但係佢一直就当紧“绿叶”
直到近两年
先至做翻几次主角
但係TVB离巢热嘅风气下
係TVB服务咗25年嘅佢
去年亦都宣布离巢
都继续马不停蹄寻求发展
最近同吴镇宇合作嘅
电影《逆流大叔》上映之后
係香港反响都唔错
事业上有成
感情方面都有成果啦
早前就有港媒爆料话
黄德斌与细佢16岁嘅女友
终于签字结婚啦！
现年55岁嘅黄德斌
之前就表示过要
“先立业后成家”
虽然与圈外女友Joyce
已经相恋十几年
但都一直冇拉埋天窗
虽然呢段恋情
大家都心照不宣
已经好似老夫老妻嘅佢哋
亦都唔係好急求一纸婚书
佢哋嘅爱情长跑实在太耐
曾经同女友一齐
凑朋友嘅BB
出街仲畀记者影底
以为佢哋偷偷生咗
虽然佢哋凑B手法娴熟
亲密到好似一家人咁
但黄德斌都澄清咗
话如果生咗冇可能唔认嘅
生性低调嘅黄德斌
表示婚事要一切从简
唔打算摆酒
同家人食饭就得
佢哋十几年都咁sweet
早已开启老夫老妻模式
之前冇入纸都已经认定对方
今次又再升华啦
电影买好叫座
家庭又迈入新阶段
真係恭喜晒！
七夕啦，你哋有冇咩成果呀？
分享到:
閱讀更多 可樂生活color 的文章
