陈滢出席名表品牌发佈会
日前，陈滢于尖沙咀出席名表品牌发佈会，并接受传媒访问，表示自己因早一排忙于工作，最近难得可以放假，于是约埋三五知己齐齐出海玩，加上难得暂时唔使开戏，当然要用尽呢个暑假时间，多做户外活动。
陈滢爱上滑水
陈滢仲话自己最近钟意左wakesurfing呢个运动，而且有陈嘉宝老公Epaphras亲自教点玩，教完之后就即刻感到劲锺意咁话！
由于觉得滑水同滑雪非常之相似，加上自己本身又好锺意滑雪，但夏天又滑唔到，所以就决定去滑水，仲大讚喺水上感觉好正。
陈滢自爆唔著比坚尼原因
另外，虽然陈滢不时将滑水相放上个人社交网，但唯独硬系唔见三点式泳衣。对此，佢就表示系有原因嘅，而且仲同好姊妹蔡思贝有关！
陈滢就话有一次佢的几个好友一齐去滑水，蔡思贝著住三点式登场，点知起水时，蔡思贝不知情下走光，但因为在场有教练，所以第一刻冇同佢讲走光，免得好姊妹尴尬。
当然蔡思贝走光就唔至陈滢睇到，陈嘉宝老公Epaphras身为教练就好专业咁提示蔡思贝，叫徒儿企直个人，搵返个平衡点，再整整个bra先，结果引嚟陈滢等人大笑。
陈滢仲表示笑嘅原因唔系因为走光，而系教练Epaphras讲嘅时候好淡定、好专业。
唔怪得陈滢经常著one piece泳衣，原来怕步好友后尘，惊走光！
陈滢怕晒黑
至于点解著长衫去滑水，佢就话系因为怕晒 ，又岩嘅，比较少女仔锺意晒黑自己啲皮肤。
何猷君为哥哥招女友
澳门赌王何鸿燊和四太梁安琪的大仔何猷亨被喻为城中笋盘，但自从前年与陈滢分手后，一直单身。直至今年年初，何猷亨细佬何猷君于个人社交网公开为哥哥招女友，表示：「他是上海市史上最年轻政协委员，我哥何猷亨！年轻有为、又上进、又帅，最主要的是单身。」
猷君并续指：「如果大家觉得可以担当我嫂子这个重任的话，可以评论对我哥哥第一眼感觉。」
陈滢被传与旧爱翻挞
虽然有细佬帮手网上公开诚徵女朋友，但猷亨至今依然单身一人。而近日，有传媒报道指日前猷亨与旧爱陈滢于中环一间法国餐厅茶聚，二人有倾有笑外，随后更齐齐Shopping，因而被传成功复合。
据知原来二人已经不是第一次分手后再见，早于上年国庆，陈滢亦有与猷亨一同相约睇烟花，听讲当时双方更不时互望，表现甜蜜。
事件爆出后，陈滢马上回复传媒时否认复合，并指她与猷亨只是刚巧遇到，所以一齐食lunch。
陈滢嫌何猷亨太忙
16年2月，本刊影到陈滢同赌王四房大仔何猷亨，孖住林作麦明诗，两pair人去中环嘉年华拍拖，点知最终都系分手，有指陈滢嫌男友太忙，成日投诉对方冇时间陪自己，猷亨俾女友烦多两烦，索性分手讲bye bye！
当时猷亨又掟公仔又陪玩过山车，对女神呵护备至。
当时，陈滢猷亨仿如热恋中嘅情侣，去嘉年华时全程冧样对望，当同行嘅林作麦明诗唔存在一样！贵为赌王仔嘅猷亨，亲自出手掟公仔送俾陈滢，甜到漏！
当时，爱得火热嘅佢的更唔理路人目光，公然拖手游街添！
一向甚为低调嘅猷亨，当众同陈滢搭膊拖手，摆明劲冧女神，而陈滢连出名要求高嘅四太亦凼得妥妥贴贴，有得陪睇麦当娜演唱会，又获淮参与何家嘅大马family trip，当时简直开晒绿灯俾佢做准何家新抱咁。
传陈滢介入别人恋情
有指汤洛雯同罗天宇近半年无数次合合分分，经常嗌交，所以最终决定分开。不过事情似乎唔系咁简单，因为据知有样(ok啦)有家底的罗天宇就同锺意同有钱人做朋友的陈滢睇中，两个人行得好埋，成日见面，唔知系羊关系啦！
陈滢早前喺大排档拍「挑战发呆1分钟」影片时，据知唔少人都见到罗天宇亦在场，新欢旧爱都系粉丝万千的靓爆女神，罗天宇真系唔简单呀！罗天宇亦有对此回应，称其实当日系一班人食饭，仲话唔好意思累左陈滢喎…
讲返陈滢，唔少人觉得佢靓女得嚟又唔系一般大众脸，反而有一种奸奸的、姣姣的嘅感觉，更令人欲罢不能；另外身材好得嚟又唔系四肢劲纤细，而系较圆润、有肉地，正呀！
泳装女皇
现年27岁嘅陈滢有样有身材，鬼妹仔性格够晒豪爽，泳衣照当然少不了！
半透明的舞嚷
陈滢锺意哂Body唔系羊新鲜事，早喺写真集《半透明的舞嚷》入面，佢就已经影过半裸照，只遮三点，劲大胆！
呢张经典照又点少得？
閱讀更多 五彩奔紛 的文章
