當全世界都話要杯葛大臺劇，畀人鬧得多近年大臺都開始轉型，劇集同綜藝節目都好似好睇左，近排由李佳芯同黎諾懿主演嘅《BB來了》只系開播一星期，就成功引嚟唔少話題，點解套劇咁爆？因為依4個理由！
巖巖結婚冇耐，仲想享受二人世界，加上又喺事業搏殺期，意外有BB令到李佳芯同黎諾懿都不知所措，甚至系崩潰。
李佳芯一句：你知唔知一個女仔有左代表啲羊呀？系事業身材樣貌全部即時ALL IN呀 簡單講出全世界女人嘅心聲呀！
婆媳關係自古之嚟都系人類解決唔到嘅問題之一，香港地生活艱難，結婚、買樓好多時都要靠父母，李佳芯同黎諾懿知道有BB之後就喺冇得揀嘅情況下要住喺黎諾懿阿媽盧宛茵間屋。
而盧宛茵又鐘意咩都講錢，又覺得自己有湊仔經驗好巴閉，搞到做新抱嘅勁大壓力，相信唔少做咗人新抱嘅女人都會好明白，要忍住自己把火，唔鬧爆奶奶係幾咁難同痛苦
喺劇入面李佳芯係女強人，唔係無知婦孺，不過佢生咗B之後就加入一堆「媽媽谷」，連老公黎諾懿都話冇諗過。！
相信依樣野好多媽媽都會有共鳴，就似李佳芯Ali所講：有跟地區有按生B月份，可以交流下生B同湊B心得，仲有定期聚會﹗當然有羊著數同埋搵同路人吐苦水都好重要。
最後，真系要讚李佳芯嘅演技！之前覺得佢演技唔錯，又未去到超級好，但系今次真系睇到佢嘅進步。
由意外懷嘅孕到生、患上產後抑鬱症無故歇斯底里鬧老公，再到婆媳關係出現問題，佢每一個階段都做嘅情緒都做得恰到好處。
相比上年大臺視後演嚟演去都系得一個樣，李㤬芯更加值得拎視後！
分享到:
閱讀更多 五彩奔紛 的文章
