今日是袁詠儀47歲生日，雖然又大一歲，但靚靚依舊美貌不變。老公張智霖（Chilam）就約埋成班好友，為壽星女搞咗個驚喜生日飯局！零妝容嘅靚靚上鏡依舊省鏡，但竟有眼利網友指佢P圖太重手，以致老公Chilam塊面識反光？
袁詠儀曬47歲生日相
今日是袁詠儀47歲生日，老公張智霖（Chilam）就約埋一班好友蔡一智、薛凱琪、丁子高等，為壽星女搞咗個驚喜生日飯局！有體貼老公在此，靚靚夫復何求呢？雖未見二人囝囝魔童同場，但靚靚當然要同老公Chilam影相留念啦！靚靚素顏出鏡，但依然好省鏡，靚靚之名真系唔系浪得虛名！
Chilam攬實老婆靚靚，兩公婆依舊恩愛如昔！
被嘲老公塊面識反光
難得生日齊人，一班好友唔少得合照一留啦！ 個個幾乎笑到見牙唔見眼咁，就知大家幾開心！ 不過，有眼利網民就察覺大合照好似有過分被P圖之嫌，皆因靚靚、Chilam、丁子高塊面勁白之餘，仲反哂光，網友笑指令到好似塊鏡咁！
呢張望落都還好，似只系張相嘅色調有變。
一睇呢張相，難怪網友會話過分被P圖嘅，Chilam同靚靚個樣都顯得非常白！不過，生日最重要都系開心要緊，壽星女滿意啲相就得啦！
分享到:
閱讀更多 粵睇粵搞野 的文章
