晚上十點嘅花都,仲系街上游蕩嘅除咗果d夜生活豐富多彩嘅後生仔之外,剩低嘅大概就係好似撐家姐呢d加班到夜深嘅上班族了…
啱啱開完OT嘅撐家姐同撐妹,此時此刻只系想食翻一碗熱辣辣嘅粥補充一下能量!
深夜嘅街道,行人都拖住忙碌咗一日嘅疲憊身軀,唯獨系金花街呢家美食店給充滿住疲憊嘅深夜增添咗一絲溫暖的煙火氣。
呢間店就係位於建設北路金花街嘅“行記豬雜粥”啦!
行記系花都不知不覺已經開咗5年啦。老闆娘系一個靚阿姨,佢好熱情咁同我哋傾計~
阿姨話:“不知不覺,我呢間店已經開咗5年啦!一開始我係其他地方開打煲店嘅,就係雞煲啊,連州狗肉煲果d。5年前就搬左過來呢度做豬雜粥啦。”
阿姨話檔口呢塊招牌都好多年了,店鋪開張到依家一直無換過,呢塊小小嘅招牌系充滿住歲月嘅痕跡。
阿姨同撐家姐講,本來個鋪面淨系得掛住招牌呢邊,後來因為生意越來越好,乾脆就要埋隔離個鋪位打通咗。
雖然店鋪無華麗嘅包裝同裝飾,亦都無鋪天蓋地嘅宣傳,店內只系簡單咁擺幾張摺疊臺同普通嘅紅膠凳。
唯獨吸引撐家姐嘅就係呢度嘅招牌豬雜粥同牛腩撈麵!
行記嘅豬雜粥用料新鮮,佢地每日新鮮採購豬肉。系店廚房做嘢嘅靚姨一邊切緊豬肉一邊同撐家姐講,佢地每日要用到40至50斤豬肉。
阿姨切豬肉嘅動作超快,睇到撐家姐眼定定。
阿姨話,店度最受歡迎嘅就係豬雜粥啦,所以佢地每日都要提前煲好粥底,唔米會做唔切。
每日店入邊可以賣到6、7大煲嘅粥,阿姨們要不停咁煲粥底,每煲粥底最少要煲兩個鍾。
豬雜要提前用油、生粉、鹽、姜等醃10分鐘,再放進火候十足嘅白粥中滾熟 ,煲滾之後香味四溢,聞到都流嗮口水~
粥底裡的稠滑的米膠會立刻把鮮嫩的豬雜包裹住。
白粥同豬雜嘅鮮甜夾雜埋一齊,系食鹽嘅提點下,形成咗另一種鮮甜,特別系果種鮮味,不斷刺激住撐家姐嘅味蕾,係一種從未有過嘅味覺體驗。
阿姨話,呢度嘅粥之前大碗嘅只要13蚊!從今年1月份開始,因為物價上升,所以價錢上調咗2蚊雞。
但系一碗例牌嘅粥,已經夠曬撐家姐同撐妹兩個人食了。
食過呢度嘅牛腩撈先知道點解呢個會系招牌之一。
行記嘅面用嘅系粗麵。爽滑彈牙,有彈性,唔會話一夾就斷。
濃郁嘅牛腩味嚼起來Q彈爽口,滷汁嘅濃郁絲毫不掩蓋牛腩嘅香氣,成舊牛肉嘅轉化只在入口嘅一瞬間,綿而不爛,爽脆而有韌性。
麵條牢牢裹住醬汁,非常入味~搭配一支維他奶,超正!
撐家姐要強烈推薦一下行記嘅辣椒醬!用嚟配麵食超級正~(有d辣,撐家姐建議唔繫好食得辣嘅撐友們謹慎嘗試)
檯面樽辣椒醬已經空曬樽,就知道呢個辣醬有幾受歡迎了喂!
呢個辣椒醬系老闆自己整嘅,原材料就係用紅辣椒,老闆娘話,一次要整好多,用玻璃樽裝住放冰箱,因為有好多客人嚟試過都要買一樽返屋企。
花都人都中意將細嘅嘢叫做“仔”,煲仔飯,顧名思義系用細嘅煲仔煮嘅飯。
煲仔飯系即點即煲嘅,所以如果點煲仔飯嘅撐友們就要耐心等待20分鐘左右啦。
一落單,廚房即刻落米煲飯,等生米煮成熟飯之後,就可以將煮熟嘅豬雜鋪系飯面, 熱辣辣嘅豬雜煲仔飯就可以上臺啦!
揭開鍋蓋嘅過程就好似拆快遞咁,明知道自己買嘅系乜嘢,但是內心仲係抑制唔住小興奮。
特別系咁樣一煲熱辣辣,仲滋滋聲嘅豬雜煲仔飯簡直就係致命誘惑!
豬雜嘅分量真系足到爆,鋪到滿曬!
撈勻之後,撐家姐再都控制唔住大啖咁食啦!米的柔韌度適中,包裹住豬雜汁嘅香,粒粒晶瑩油亮,越嚼越香口!
行記除咗做午市和晚市之外,仲做埋宵夜嘅。宵夜最受歡迎嘅當然就係蜆啦!老闆娘話每晚d蜆都唔夠賣。
店入邊d阿姨話,宵夜時間比飯市仲火爆,做到踢曬腳。
行記除咗上面介紹嘅嘢食之外,仲有好多其他好正嘅嘢嘎!撐友們如果想試下行記其他正嘢,就要早d到啦~係度解決咗晚飯,坐夜d宵夜直落都仲得!
無論每日點樣為咗自己嘅夢想而奔波忙碌,撐家姐都希望大家結束咗一日嘅忙碌之後,要記得好好地食一餐飯。
中意就Mark低個地址,落班夜咗就去行記食個熱辣辣嘅豬雜粥啦!
行記豬雜粥
地址:花都區建設北路88-14號
電話:18520222093 13711696038
營業時間:週一至週日10:00-14:00
18:00-02:00
地圖:
閱讀更多 花都我撐你 的文章