陳展鵬開工拍悲傷場口，但鏡頭以外都難掩當爸喜悅。
展鵬跟唐詩詠、伍允龍、劉穎旋等為新劇《唐人街》開工，榮升爸爸的展鵬全程表現風騷，雖然拍攝路祭的悲情場口，但鏡頭外也忍不住笑，難掩喜悅，期間更「消失」3分鐘，原來他特意行開透過社交平臺發放生B喜訊。
受訪時展鵬說天朗氣清，加上正式公佈生女的喜訊，故特別開心，其實他一直想向外公佈消息，惟每天也要開工，加上太太出院後要休息及學餵母乳，怕應付不來，二人均要慢慢適應湊B的節奏。 展鵬續說未為女兒改中文名，打算交由長輩或太太話事。
問有否請陪月幫忙？ 展鵬說：「說起就一額汗，原本陪月打算去完旅行返港再開工，早前機場爆發麻疹，我們先要求她檢驗有否抗體，幸好她有抗體，故前幾日要自己親手湊小朋友。 」
展鵬亦回想起首日湊B的蝦碌事，笑說：「少少啦！ 但女兒很頑皮，哈，不可以贊呢！ 第一日返來餵奶不夠飽又喊，之後未換片又喊，包塊布不合適又喊，最後網睇片學習，原來好多問題不容易應付，那一日都搞足5至6個鐘，之後又要開工。 」
展鵬表示太太是開刀分娩，全程他在旁陪伴兼幫忙剪臍帶，他笑說現在不剪臍帶會被警察起訴，為免將來不被「起訴」，所有事都會做到足。 問到見證愛女出世一刻有否感動到喊？ 他說：「我一直都安撫太太，好緊張亦好驚，見到太大打針時數度嗌痛，自己都好心痛，捱得那麼辛苦去生，不如不要生了，見她俾人鎅一刀，感覺好痛，生仔是一件開心事，但未見到BB出世前，我覺得好難受及心痛。 」
至於如何獎勵太太？ 展鵬表示一直都有做，太太要求好簡單，只要多陪伴便可以。 有傳他買豪宅送太太？ 展鵬說：「都會，都有安排。 （會搬屋？ ）未決定，因為要遷就媽咪。 」雖然陪太太生B，惟展鵬未有向劇組請假，他解釋不想影響拍攝進度，寧願自己捱眼瞓，幸好女兒出世期間通告不算太密，只是間中會遲到半個鍾。
閱讀更多 小池想做什麼 的文章
