TVB深宵劇集時段
係翻煲時段,
正話播完嘅《律政新人王II》,
官恩娜當年都幾索,
馬明就冇點變,
李詩嬅都係冇乜變,
睇得幾開心啊!!!
尤其見到佢哋用嘅手機,
即刻回憶翻嗮來啦!!!!
緊接著《律政2》嘅,
係《美味天王》!!!!!!
1997年播出,
係當年TVB 30週年臺慶劇,
陣容係空前強勁噶!!!
不過可能你只記得
(極度暴露年齡!!!)
肥肥同秦沛
波比同關詠荷,
原來當年波比已經玩過
呢個gag!!!!
男女主角,
最令人印象深刻啦,
配角位置嘅
古天樂,宣萱,張可頤,張家輝,
林峰,楊千嬅,
你有冇印象啊???
好嫩口啊!!!!
宣萱當年仲係行男仔頭路線,
張可頤都好青春活力風。
我哋係觀眾,
梗係睇得開心啦,
But古天樂就似乎唔係好想睇到
呢段黑歷史????
(黑歷史呢個詞都好out)
古宣CP又一齊出席活動,
佢哋舊年開始合作次數超多!!!
比如話《犯罪現場》啦,
上次可樂君都問過大家,
TVB經典熒幕情侶
你最like邊個?
睇來大家都幾中意睇佢地同框。
尋日《美味天王》就重播第一集,
佢哋兩個都有份拍呢出戏,
自然會被問及感受啦~~
古天樂笑話
佢不嬲好少睇舊作,話:
“拍嗰陣已經睇好多,所以唔使睇番,
向前看!”
仲叫大家準時熄電視。
咁又係,
你宜家叫可樂君畀人睇
自己以前D相,
真係唔係咁想……
而且古天樂呢出劇入邊,
表情一堆……
可能佢自己睇咗會面紅~~~~
宣萱就話未得閒睇:
“有時間會再睇,好搞笑,我個馬騮頭。”
哈哈哈,又真係好搞笑。
睇過呢出劇直播嘅
仁兄/妹,
你哋應該……都唔細啦!!!
套劇裡面,
真係有好多經典嘅片段。
仲有好多令人懷念嘅角色。
不過大家覺唔覺得,
以前D劇,宜家睇翻,
劇情一樣都咁搞笑,
內容又唔會太過時,
點解會咁嘅呢???
閱讀更多 可樂生活color 的文章