06年落選港姐、現年31歲的李美慧 (Vivi，原名李斯庭) 近日喺《宮心計2深宮計》做宮女秦槐而人氣急升，皆因佢早前自爆閃嫁拍拖半年、比佢大25歲嘅56歲富商曾文豪。而在早前《深宮計》宣傳活動馬浚偉踢爆佢“粗身大細”，原來是雙喜臨門！
一對新人昨日在淺水灣酒店行禮及籤紙註冊，新娘子宣讀誓詞時眼溼溼，好感動⋯
《深宮計》宮女李美慧嫁富商曾文豪 飛上枝頭做闊太
完婚後，一對新人接受傳媒訪問，新娘子李美慧開心話：“我哋儀式同普通新人一樣。”曾文豪接住話：“換衫，化妝，嚟到招呼朋友、籤紙。之前講話落雨，好彩今日天氣好好。”再婚兼有三名女兒的曾文豪表示自己嘅仔女有到場觀禮，因為儀式簡約，無安排啲孫做花仔：“兩個女外孫，同一個男外孫都有到齊。”
新娘子講到出嫁心情：“想令自己攰啲，所以出海游水遊咗一個晏畫，但夜晚都系成晚瞓唔著，到依家都未瞓過。（心情繫咪好興奮）唔知興奮定緊張，驚啲嘢安排得唔好，好多謝老公。不過頭先臺上致辭時，腦中一片空白，唔知自己想講咩。”老公即刻話：“我都有好多嘢想講，怕overrun冇講。”
將做闊太，李美慧依然有幕前工作至8月，才停工等生仔，問到有否害喜情況，她表示：“都幾好，冇乜點嘔。”
問李美慧幾時正式停工養胎？佢就話8月前會完成所有工作。老公有冇叫結咗婚之後唔好做嘢？曾文豪搶住答：“唔會，佢鐘意就得。”李美慧聽到個樣勁冧，挨實老公然後話：“我老公好好。”新娘著住束身腰間透視婚紗，無花誇裝飾，戴住條珍珠頸煉，手上戴上鑽戒，簡約好睇。
儀式結束後，一對新人從長樓梯下來，新郎細心扶住大肚老婆落樓梯！
到地面時，新娘又挽住老公手影合照。
開門利是 金牛成寸厚
郭千瑜受訪時，就喺個袋度拎出封開門利是，見到全部系1千蚊紙，仲有成寸咁厚，楊埕大讚新郎：“男家好大方，女方嫁得好，Peter（曾文豪）份人好好，乜都OK。今朝其中一個玩新郎環節，要喺尿片食啲嘢，本來唔使佢食，但佢都搶住食，仲話好肚餓，所以啲遊戲難唔到佢哋，兄弟團個個又好有義氣，做唔到嘅環節都會畀利是，唔會託手㬹。”
陸詩韻是姊妹團成員之一，而準新郎曾文豪弟弟曾文能是其舊愛，問陸詩韻到時會唔會撞到曾文能覺得尷尬，佢大方話：“唔會，我哋有聯絡，有時都會食飯gathering，唔會尷尬，同Auntie都熟。”
當中姊妹團全部都系李美慧喺演藝圈中好友，包括陸詩韻、楊埕、郭千瑜同梁麗瑩等，而陳展鵬、李民橋夫婦、許晉亨、陳志健、楊卓娜、楊明等好友都有出席觀禮！
李美慧 感動爆喊
在較早前的《深宮計》活動中，馬浚偉代表劇組向李美慧送上鮮花恭賀佢下月結婚，仲送上全部演員簽名賀卡，令李美慧即場感動爆喊，馬浚偉更表示：“美慧繫個好女仔，喺橫店拍嘢撞見流浪狗，佢會捉佢哋去睇醫生、沖涼，之後又返去睇小狗！”但當一班演員開始玩遊戲時，馬浚偉忽然爆響口：“你粗身大細呀！小心啲！”洩露李美慧雙喜臨門！
李美慧穿著松身衫、平底鞋出席活動，孕味勁濃。
繼女曾昭儀 環保轉贈BB衫
而李美慧嘅未來繼女曾昭儀日前出席活動，就直認早知李美慧有喜，亦有心理準備再做家姐，育有一女嘅佢直言會同繼母分享湊女經，以及建議對方食維他命增強營養，更表示：“到時我都會畀啲小朋友衫BB著，床方面都會借畀佢哋，環保啲，唔好浪費！”
李美慧早前和曾文豪到不丹、喜瑪拉雅山影婚照，曾文豪大女曾昭怡 (右) 和二女曾昭亮都有同行幫忙打點一切，可見跟繼母關係良好。
李美慧 細未婚夫25歲
31歲嘅李美慧下月就正式嫁畀大佢25年、已故百億富豪曾紀華二房長子曾文豪，會先喺淺水灣酒店搞結婚派對，7月會到法國尼斯再擺酒。
日前出席《宮中計2深宮計》宣傳，立即成為焦點，李美慧亦大方分享下月準人妻的心情，又大讚未婚夫一百分、為人成熟夠細心。李美慧同未婚夫上個月仲去咗不丹、喜馬拉雅山影婚照㖭。李美慧透露同未婚年系朋友介紹認識，拍咗半年拖左右就決定訂終身。
李美慧同未婚夫嘅細女曾昭亮同年，而兩個繼女亦有陪同一齊去不丹影婚照！
李美慧和曾文豪到不丹、喜瑪拉雅山影婚照，而不惜豪花近百萬。
李美慧 曾演多套電視劇
現年31歲的李美慧，真名李斯庭，於2006年曾參選港姐，可惜三甲不入。其後加入無線藝員訓練班，曾做過遊戲節目《一擲千金》的千金小姐，又擔任TVB8主持《娛樂最前線》，曾參演過多套電視劇，但最為人認識的是於《少年四大名捕》中飾演馬國明的妹妹、《宮心計》等。
李美慧在《深宮計》飾演太平公主 (陳煒飾) 的近身侍婢秦槐。
《深宮計》陳煒下場悽慘，被賜毒酒吐血亡，飾演宮女的李美慧全程陪伴在旁。
大讚男方夠成熟
李美慧被問到男方有何吸引之處時，她就指對方是個成熟型暖男，對她及其屋企人亦很好。當時被問到會否生小朋友，她則說：“都會努力造人，男女冇所謂，因為佢都已經有仔女。”
婚後繼續工作
而婚後會否繼續拍劇？她說：“都會客串嚇拍劇，同埋做有關動物嘅義工，又會想搞生意但未計劃，到時老公一定會幫手，不過我都會諗清楚都，唔想蝕佢本。”
曾文豪有女又有孫
據瞭解，曾文豪年前已離婚，而他亦已有兩名女兒曾昭怡（Alison）及曾昭亮（Natalie），亦都已經做咗人爺爺，兩名女兒同樣活躍於社交圈。
曾昭怡
曾昭亮
閱讀更多 我的時尚 的文章
