近年熱衷心理學的徐子珊，半年前獲碩士名銜，為繼續追夢，甘願放棄經營多年的演藝事業，宣佈退出娛樂圈！她坦言過去多年似為「形象」而活，失去自我，加上性格缺陷令人際關係有障礙，故決定40歲送自己一份勇氣，移居歐洲生活兼進修，藉此尋找真正的自己，並開始賣車、賣豪宅，實行全面撤出香港。
「真繫好鍾意讀書」
港姐出身的徐子珊，15年來於歌影視三棲發展，成績不俗。近年她卻重返校園，修讀心理學碩士及珠寶設計課程，經過兩年的半工讀，半年前已順利畢業，再加上與王祖藍公司的合約屆滿，促使她認真規劃將來，最後選擇退下火線，正式向水銀燈說再見，做回一個普通人。
徐子珊於娛樂圈失去自我，決定離開香港，重過新生活。
子珊日前接受訪問，娓娓道出這個決定的由來：「有掙扎過，但又真繫好鍾意讀書，之前又返學又拍劇好辛苦，好彩成功畢業。我希望繼續呢方面發展，無諗學到邊個階段，但會繫心理學研究，可以繼續讀博士、教育同臨床方面，想去外國進修，學讀到同讀唔到嘅嘢、生活上嘅智慧，所以會去第二度生活，將基地搬去外國，畀多啲時間同空間做自己想做嘅嘢。」
資金充裕 生活無憂
問到是否已儲落一大筆錢應付往後開支？她表示向來慳儉，故手上資金絕對維持到日後的生活水平，並笑言食薯仔比食米芝蓮更開心。至於會在歐洲哪個城市定居？她說：「呢半年我飛好多次，四圍睇邊度適合自己，其實荷蘭同德國都有心理學，非常唔錯。（唔再返香港？）希望系咁，舒服啲！呢份勇氣系送畀自己40歲嘅禮物，所以想盡快走。（會唔會返轉頭？）就算系都系幕後，唔會幕前。」
徐子珊是2004年港姐冠軍，亞、季軍分別是朱慧敏及符思思。
「生粒暗瘡都覺得錯」
談到演藝生涯，子珊坦言未能完全做回自己：「以往係為一個形象開工，每日花兩個鍾扮靚，好注重外表，生粒暗瘡都覺得自己錯，好有壓力！（離開無線更認識自己？）未夠，過去3年籤咗經理人公司，但覺得系人哋照顧我，好溫室，令我唔識應付好多嘢，幾時進退都唔識。（幾時醒悟？）當然碰過好多釘，人生亦唔會無，工作之外，我人際關係有障礙，性格亦有缺陷，要包容自己，只系過去15年醒唔到。」
自覺人際關係有障礙的徐子珊，於工作上碰過不少釘。
碩士畢業加上藝人合約完結，子珊可謂一身輕。問到撇除藝人身份會否自由度大增？她坦言：「離開香港會更好，香港環境好難，外國得到力量系唔需要從眾，好緊要，可以獨立思考做決定。依家希望向博士方向進發，研究都無問題。（賣曬香港資產？）系呀，最唔捨得架車，層樓有啱價錢就放。」
憧憬結婚：等愛情搵我
雖然子珊表示經過深思熟慮才決定退出娛樂圈，但此舉不難令外間猜測她秘密結婚，她對此哈哈大笑說：「秘密呢樣嘢，依家仲有咩？」單身多年的她不諱言嚮往愛情，但不會強求，認為一切自有上天安排，難怪她滿有信心說：「我覺得呢個人應該系外國等緊我，我唔會去搵愛情，等愛情去搵我。依家追求內心嘅平靜，呢樣嘢唔容易。有個教授曾經講過『當愈學得多，到頭來發現自己原來好唔識嘢』，呢番說話對我好深感受。（即系你偏向系外國組織家庭？）似系囉！但無人睇到將來。（憧憬結婚？）有憧憬開心嘅將來。」
半年前畢業的子珊，有意到荷蘭或德國繼續進修。
給粉絲的話：
子珊入行15年，遇過高低起伏，但粉絲對其熱愛不減，如今她有個新開始，臨別前不忘向一班多年的支持者講多謝：「其實4年前離開無線，已經Close咗影迷會，但我哋繼續有聯絡，呢班Fans為我做咗好多嘢，真繫好多謝佢哋。記得頭兩年我帶佢哋去做義工，所以希望往後日子，即使我唔系香港，佢哋都會繼續去做呢樣嘢。」除了粉絲，子珊特別感激孃家無線多年來的愛錫：「畀咗好多機會我，令我長大，尤其系樂小姐（樂易玲），佢真繫好似媽媽，對我好好。」
徐子珊預感在外國覓得真愛。
徐子珊歌影視瓣瓣掂，更是廣告商的寵兒。
子珊感激粉絲多年來的支持。
閱讀更多 港劇娛樂 的文章
