藝人蔣家旻與羅天宇年前合作拍劇演兄妹，時隔五年，近日兩人應好友麥秋成之邀，於對方自編自導自演兼自資的音樂微電影《戀戀季節~冬至篇》中擔任男女主角“奉旨談情”，不過鏡頭後二人卻絕不“享受”，家旻坦言：“本來以為大家咁熟應該冇問題，點知即使系普通嘅拖手、攬嚇大家都覺得好尷尬，好彩今次冇咀戲咋。好記得導演曾經行開過，交畀我哋自由發揮，但返嚟睇片唔收貨，話我哋太生硬要再嚟過！”
羅天宇 蔣家旻 麥秋成
談到有否發展可能，羅天宇靦腆表示“應該難啲”，反觀家旻卻相當爽直：“依家冇可能，但唔知日後大家會唔會再合作，可能到時擦出火花呢，呢個世界冇永遠嘅絕對！”麥秋成即“推波助瀾”笑說：“其實我拍呢個微電影想分幾部曲嘅，仲有第二位女主角都未出場，如果有贊助嘅話可能好快開續集，到時唔排除要佢兩個咀嘴！”
由於製作費有限，麥秋成坦言本想到東京取景亦要轉移陣地，且向家旻及羅天宇“揼心口”：“佢兩個仗義幫忙，我又睇中家旻識精通日文做埋翻譯，至於天宇仲唔話得，得3日都肯飛日本，幫我完成拍攝。”羅天宇表示：“本來想留5日嘅，點知真系唔得，惟有喺拍攝地點附近，同埋長途車程，望嚇附近啲風景同拍照留念。我覺得取景處鳥取繫個唔錯嘅地方，不過因為拍攝超時，幾乎趕唔切上機返香港。”家旻坦言今次演出微電影壓力相當，拍攝前開始爆瘡，幸得麥秋成鏡頭相就才回復“靚樣”。
影片赴日本鳥取縣取景，分為三個小單元，並由三首經典華語金曲串連而成， 同時亦反映出三位主角的愛情內心世界。分別由羅天宇獨唱的《心動》，麥秋成主唱的《我願意》，以及兩人合唱的《紅豆》，已於3月14日白色情人節在麥秋成的個人YouTube平臺發放。
分享到:
閱讀更多 奶嘴看電視 的文章
