我自问非常样衰，称得上三尖八角，单眼皮鼻扁孖润肠烂面集于一身。从来都冇男仔对我有兴趣，我读中学果阵，啲男仔掂到我之后都会弹开同即刻洗手，乜花名都有，我觉得我一世都唔会拍拖。
直至上年我无聊玩交友apps，识到个男仔 ，佢应该算系中上样，我啲friend个个都话佢靓仔，佢仲要读医。同佢出左街几个月，见左好多次之后，我同佢讲我中意佢 ，我以为一定冇可能，点知佢答应左。
当初拍拖之后，我好快就同佢上床，其实佢冇要求，系我主动问佢。
但宜家一齐左半年，都未见过对方家长，我开始怀疑我唔系佢正印，甚至当我系备胎 。但系我又谂，我条件咁差，人地男神当我备胎我都应该开心。
出街果时，佢会主动拖我、锡我，众人都会投黎异样既眼光，谈笑中充斥轻蔑与歧视，毕竟我个样实在生得太幽默。呢个唔系错觉，有几次同佢搭车直头听到有乘客讲：「睇下你隔离」之后喺到笑 。男朋友落左车之后，佢地甚至高谈阔论：「条仔咩事咁折堕？」你可以想像下，如果喺街见到你女神拖住八两金，你会有咩反应，绝无半点夸大。
我有同best friend讲过我有男朋友，因为同佢识左十几年，小学就识，所以佢讲嘢好直好放。佢话：「你条仔对眼系咪有问题 定系医生对研究外星人有兴趣？ 」
我都觉我男朋友好惨，明明条件咁好，揾备胎都唔洗揾我啦，竟然会同我一齐。我宜家已经唔会担心佢系咪真心同我拍拖，定当我备胎。重点系佢好可怜，我怕佢系因为同我上左床，惊飞左我会内疚，先勉强同我一齐，但系我又feel到佢同我出街佢系开心既... 唔知系咪扮... 我宜家好乱，真系唔明佢系点谂。我好想放过佢，比佢一条生路，因为佢值得更好 ，我唔想佢因为负责任先同我一齐，我系咪应该同佢分手？
有人话 样衰到一个程度系原罪，出街都有损巿容，我呢啲人系咪注定单身一世？
如果你有心事，欢迎私信留言
珍惜缘份，发泄完依然要做个理智男/女友啊
关注下我啦~
更多心事：
閱讀更多 粵難粵愛I心事臺 的文章
