伴隨歲月逝去的上海故事。
《上海弄堂故事》情景演繹5
（場景：甲和乙在弄堂口嘎山糊 。丙從弄堂裡跑出來。）
丙：喔唷,㑚㑚兩家頭嘎早啊，早飯吃過伐？
甲，乙：吃過了，吃過了。
乙：老克拉，儂到阿里搭（啥地方）去啦啊？
丙：喏，到埃面搭（那裡的）花鳥市場去弄點賺結（蟋蟀）吃的麼事。
乙：喔…，搿麼，儂幫我帶只叫咕咕（蟈蟈）轉來，好伐啦？阿拉囡囡問我討過嗒趟（多次）嘞。
丙：小開司，小開司。
乙：搿麼，謝謝儂！謝謝儂！
甲：音音老師，老克拉是啥意思啦？賺結是啥白相麼事啦？
乙：老克拉麼是一個綽號。就是有腔調的上海爺叔。賺結麼就是蟋蟀。
甲：喔，搿麼，老克拉講，小開司，小開司就是小意思，小意思對伐？
乙：對個， 對個,儂上海閒話進步得邪氣快！
乃麼，講起賺結（蟋蟀）麼，我又想起一樁年紀輕個辰光的故事了。
阿拉阿弟2019 年白相的賺結
那時 ，我要上夜班，白天辣屋裡廂睏覺（睡覺），乃麼阿拉阿弟屋裡廂養之交交關關賺結，搿點賺結輪流瞿瞿瞿叫勿停嘞，我光起火（脾氣來了），就從床上爬起來 ，拿起一隻賺結盆就摔，盆片碎一地。
乃麼，阿拉阿弟回來哭煞特嘞。我給阿拉姆媽臭罵一頓。
幾十年過去了，偶爾跟阿弟碰頭，伊仍舊要牽我頭皮（翻舊賬，揭短，數落別人），講：當年儂摔碎特的賺結盆（蟋蟀盆）老值銅鈿個，是清朝個麼事嘞，阿拉爺爺白相過留下來個。（未完）
、
阿弟和朋友鬥賺結場面
下一篇接這篇詳細解讀以下關鍵詞。
關鍵詞：
1、老克勒（lao ke la）:
2、腔調(qiang diao ):
3、賺結(cei ji):
4、阿里搭(a li da)
5、埃面(ei mi):
6、小開司（xiao kei si）
7、牽頭皮（qi dou pi）:
8、嗒趟（da tang）:
備註1：括弧裡是拼音標註上海話讀音
備註2：本文詞彙解釋，4月27日有同步西瓜視頻（標題是：上海閒話|老克拉把玩蟋蟀 ，場面你見過伐！腔調又是啥意思？）有興趣的朋友可以搜索了看。
