講到TVB嘅宮鬥劇
最令人深刻嘅莫過於
《金枝欲孽》《宮心計》
通常第二季都好容易撲街
《金枝欲孽》就係個好例子
明明第一季高分好評
第二季就變得一言難盡
咁《深宮計》作為《宮心計》第二季
究竟會唔會撲?
尋晚(21日)《宮心計2深宮計》
終於喺電視機前同大家見面
作為TVB50週年大製作
大臺都非常重視呢出劇
唔止係製作上落重本
播出前不斷有宣傳片
以及各種活動造勢
不過首播就遇到一D小風波
本來話內地網絡同步播出
但係網友等咗成晚都冇
well
坐定定睇電視直播嘅就不受影響
就係相比網上睇廣告比較長lor
講返今次呢部宮鬥劇
胡定欣唔止做女主角
仲唱埋主題曲《無悔無愧》
同馬浚偉合唱插曲《明月與海》
唱得都OK噶
片尾曲係Hana唱嘅《飛蛾撲火》
but
可樂君覺得
關菊英當年嗰首《攻心計》更加有氣勢
《深宮計》第一集
主要係角色登場
講下D前因後果咁啦
可樂君簡單同你介紹下人物關係
☟
帝后CP
馬浚偉、胡定欣
馬浚偉飾演唐玄宗李隆基
胡定欣就係馬仔嘅糟糠之妻
查案組
馬國明、蕭正楠
劇集加入咗查案元素
負責查案嘅就係馬明同老蕭
甥舅組
陳煒、周秀娜
舅母陳煒將外甥娜姐當做棋子
安插喺馬仔身邊破壞感情
(BTW,娜姐18集先會出嚟)
尚宮局
呢度謝雪心最大
然後係張文慈、康華、羅霖、張慧儀
劉心悠入宮被司設房收歸旗下
後尾成為公主捲入後宮爭鬥
姊妹組
劉心悠、黃心穎
因為都係宮女又經歷過D嘢
所以friend咗
劉心悠、周秀娜
兩個一開始都係比較純品嘅設定
後尾劉心悠做公主
娜姐成為昭儀
對胡定欣忠心嘅心悠
唔G會唔會同娜姐反目
其他CP
馬浚偉、周秀娜
皇帝見一個愛一個係咁噶啦
馬國明、黃心穎
劇中馬明胡定欣有過一段戀情
後馬明愛上黃心穎
蕭正楠、劉心悠
經典套路冤家變情人
主要人物就係以上呢堆
特別介紹一下
玲玲姐都有客串啊
珠圓玉潤嘅玲玲
可能係成出戏裡面
最符合唐代美人標準嘅人
well
劇集播出後
少不免被吐槽
比如話D衫好似范冰冰武則天咁
冇曬港味wor
亦有人話劇集又係TVB套路
眼線越粗人越奸
不過可樂君觀察過片頭
今期似乎冇咩逆轉
最奸嘅應該係陳煒、胡定欣
因為佢哋D衫最浮誇
陳煒明顯係奸嘅
而胡定欣“人粗志不短”
係嗰種默默忍受等待爆發嘅奸
可樂君好想知道
佢同當年楊怡演嘅姚金鈴相比
究竟邊個奸D
除此之外劇集都會被用來比較
2009年《宮心計》結局50點收視
被問到有冇收視壓力
胡定欣就話:
“其實沒有,因為大家已經盡力做到最好,
小青姐和團隊花了一整年時間做後製,
而我一直都對小青姐的作品很有信心。
我的本分已經做好,
希望觀眾能細心觀賞,
感受每一個演員的心思。”
今次劇集主要兩條線
一係馬浚偉、胡定欣夫妻向陳煒勢力抗衡
二係劉心悠搵家姐
第一集火藥味仲未好濃
因為胡定欣未有勢力同陳煒鬥
反而飾演劉心悠童年同佢家姐嘅
兩位小演員最令人深刻
開局交代完來龍去脈
之後就睇佢哋點樣鬥法
不過諗返之前嘅《溏心3》
可樂君就開始擔心
會唔會又係講就天下無敵
最尾又係膠劇?
Any肥
講起宮鬥劇
來來去去都係三幅被
你最期待嘅畫面係咩?
閱讀更多 可樂生活color 的文章