港嘅电视观众，追完日剧，煲韩剧，o依家仲连内地剧集都超受欢迎，好似无线播紧孙俪主演嘅《那年花开月正圆》，呢套剧揼本制作、演员又个个有戏，好有睇头！
我国有十三亿人口庞大市场，一套收得嘅剧集，利润真系不得了，难怪有收视保证嘅演员，剧酬吓吓叫到几千万人仔咁高，仲依然有价有市噃。譬如，最近内地一位幕后制作人、「影视联合会」首席执行官董大魏，就喺社交平台大爆当今内地当红女星嘅剧酬身价，榜上头十一位女星，拍一部剧起码都收八千万人仔（约一亿港元），认真犀利！
相信香港人对佢的都唔太陌生，头一、二、三位，分别系杨幂、孙俪、同埋范冰冰，之后依次序为：章子怡、白百何、杨颖、汤唯、赵丽颖、迪丽热巴、郑爽以及周冬雨，值得一提嘅系，呢个幕后人仲点名激赞，去年担正《楚乔传》而人气爆晒灯嘅赵丽颖，爆佢闲闲的拍一日就袋五百万人仔，啲钱真系好易赚！难怪，啲港星个个都扑返内地抓银喇！
呢位影视联合会嘅首席执行官，特别畀咗个手指公赞赵丽颖劲，皆因赵丽颖嘅一日片酬就高达五百万。
喺社交平台上面，佢大爆五千万片酬以上嘅各一线女星身价。
杨幂拍一套剧叫价八千万人民币以上，更加位列女星身价嘅榜首。
《那年花开月正圆》嘅女主角孙俪，被封为内地嘅电视剧女王。
身价不菲嘅范冰冰，身兼剧集制作人，收入更加和味。
内地电视剧火红，连国际影星章子怡都首拍剧集《帝凰业》。
虽然Angelababy杨颖叫价高，但就经常被指演技不成正比。
去年，赵丽颖凭《楚乔传》身价再飙升，佢嘅剧酬一套就收八千万人民币。
分享到:
閱讀更多 獨孤殺豬 的文章
關鍵字: Angelababy 内地 杨幂
