NETFLIX自制嘅綜藝節目
《犯人就是你》前日首播
作為受眾面廣嘅推理類綜藝節目
加上吸引嘅陣容
一開始就受到唔少關注
劉在石+李光洙嘅組合
諗下RM就知道實會有好多火花
而且除咗佢哋兩位之外
仲有高人氣愛豆吳世勳
彈幕基本上個個都喺度刷佢
其餘仲有金鐘民，安在旭，樸敏英，金世正
一共7名固定偵探
除咗佢哋之外
甚至連NPC都係熟面口嘅明星
呢個節目請起明星來真係毫不手軟
柳演錫啦秀路大魔王啦宗玄啦
講真
呢個綜藝從之前睇到新聞開始就好期待
因為《明星大偵探》好精彩
咁韓國自己嘅節目
應該都唔會差吧？
但係睇完首播就覺得有D失望！！！
唔係話完全唔好睇
不過就唔夠精彩唔夠吸引
如果係純路人睇完一集就想棄
實景拍攝真實性強
其實完全實景嘅拍攝
滿滿都係見到燃燒的經費
而且唔係一間屋咁簡單
推理出地點之後
仲有開車去到唔同嘅地點找尋線索
令到觀眾會好有參與感
唔似齋喺間屋入面會太假
配角都係大牌藝人好驚喜
每次有關鍵嘅線人出現
亮相時候都會發現係明星面孔
呢點的確令人覺得好驚喜
好似樸萊娜咁令到成件事有趣好多
推理劇情唔夠
講到明係推理綜藝
要燒腦嘅地方唔係話無
而係覺得好無厘頭
特別係預告集入面要取水摞鎖匙個度
差D就睇唔落去
劇本痕跡重
例如係第一集發現屍骨之後
金秀路一出場就“推理”咗一輪
得出咗相關嘅地點線索
彈幕都忍唔住吐槽
話佢係“帶著劇本出現的男人”
呢個節目係真有錢
每次佈景出來都要感嘆一番
而且大神+光洙互懟都好精彩
雖然有種睇偵探主題嘅RM一樣
其他成員都好亮眼
兩個女仔喺全部男人都唔敢嘅情況下
徒手摞起蛇！
又係“宋智孝和她沒用的男人們”設定
仲有唔知係咪剪輯問題
成日推理到一個地方嘅環節
就會有一段戲份覺得無聊
當然都有可能係節目本身嘅設置唔夠精彩
不過先首播咗一個正式集同預告
希望後面會越來越精彩
因為佈景真係好勁同好有錢
所以再拍得好D嘅話應該會好睇嘅
睇完首播之後
你仲會有追落去嘅諗法嗎？
閱讀更多 可樂生活color 的文章
