根據現場路人目擊，昨日下晝五點左右，當時大劉與甘比，同行仲有一對仔女秀樺同仲學，以及保鑣等一行人搭扶手電梯上一樓，就係喺呢度發生嗌霎事件。
傅先生稱當時短裙少女質問大劉︰「你唔敢呀？」仲叫渠「積福」，大劉怒道：「積你個福！積你老母！渠（子女）受傷系咪你賠呀？」少女辯稱︰「我睇緊㗎！」大劉再爆一句︰「你掛住睇你慨（手）機呀！」事發時人來人往，目擊者眾，有讀者李小姐再向本報爆料，詳述事件始末。
據李小姐稱，當時大劉系同妻兒一家四口，與保鑣喺現場。之前甘比陀B嗰陣已經帶過對仔女去希慎嘆下午茶，未知今次系咪都去同一間啦。
事件就發生喺扶手梯睇上。當時甘比拖住囝囝，囡囡就喺前面，大劉就「壓軸」。
個陣就咁擺喇。點知該名短裙少女就攝咗中間嗰級，同甘比只系相差三四吋距離。
李小姐形容女子在扶手電梯上左手拎住手機，右手忙於篤篤篤打字，未有捉實扶手。李小姐稱當時大劉提渠：「呀姐姐，好心你唔好掛住睇手機啦，好危險架，撞親人點算？」
女子即反問：「點會？我睇緊路，點會跌親？」由於女子就係企喺大劉一家中間，所以大劉特別緊張啩。一聽到女子咁講，自然扯火，厲聲問：「你點睇路呀？你睇住部手機！你知唔知幾多意外？而且仲會整到其他人，你有冇諗過撞到人點算？如果我老婆仔女整親，系咪你賠先！」據知，女子當時系唔認得同渠對罵慨男子系大劉，認得之後，女子聞言反擊：「咁有善心，就積下福！系咁喺度鬧人！嘥啲時間做有意義慨嘢啦！」
所以就爆出大劉呢句：「積你個福！積你老母！渠（子女）受傷系咪你賠呀？」又再爆：「邊個叫我話緊你仲系咁慨態度？」又就其樣貌作出批評，女子馬上澄清：「我冇整容！如我證明我冇整容，你賠番幾錢俾我！」兩人爭執咗十分鐘，最後秀樺拉一拉大劉，大劉即熄火離開。另有讀者
報料指，該名女子，就係27歲慨靚模許珮榆（Diva）。回應詳見另文。閱讀更多 菜喳 的文章
