模許珮榆（Diva）前日於希慎商場逛街，行經扶手電梯時，被一名阿叔大聲呼喝，驚撞親佢個仔，二人因而發生罵戰，過程長達十分鐘。Diva指阿叔聲大大話「會搵人打渠」，後來甘比出現，她才知這個人是大劉劉鑾雄，她坦言：「都驚㗎！都打算避走東南亞，好彩Plan好咗旅行，依家都真繫有啲驚！」
記者：記者 Diva：D
記者：其實嗰日事發經過系點？
D：嗰日我喺希慎商場，準備上電梯，有個Fans見到我，認得我，叫我加渠入Facebook，我見咁有緣，渠又認到我，咪加渠！我整完揸住部電話行上扶手電梯，無啦啦有個阿叔話『喂』！講曬粗口咁，問我做乜攞住部電話，顧住聽電話咁！
記者：有冇拍片？
D：我梗系冇拍片啦！我點諗到撞到佢呀！因為渠戴住個口罩，我就諗呢度系扶手電梯，系咁畀佢鬧，呢個阿伯搞乜嘢呀！阿伯好瘦，我話阿伯，其實你唔使咁躁底，我都冇撞到你個仔！渠就話：「咁你揸住個電話，仲話冇撞到！」跟住渠又話我係整容怪物喎！我就話好，你憑乜話我整容先，我哋去驗呀！依家去醫院驗，如果我冇整容慨話，你賠錢畀我！」
記者：跟住渠有咩反應？
D：跟住渠就話：「你都戇XX！」又鬧鬧鬧……跟住有個女仔就話：「爸爸唔好嘈啦！」我望真，原來甘比嚟㗎喎！嗰個系大劉嚟㗎喎！譁！佢個仔五、六歲，我都冇撞到佢個仔，講真都上到地平線，我就話你咁錫你個仔，你積嚇口福啦！你積嚇啲福氣啦！渠（指大劉個仔）望住你點鬧人呀！渠將來點成才呀！阿爸咁鬧人喎！第時會對住其他人狂鬧，你阿仔實對住其他人鬧，渠聽完好嬲，仲話要搵人打我，我覺得渠有錢大曬嘛！剩系爆粗囉！但系佢冇Point㗎喎！系咁將自己識慨粗口講曬出嚟！
記者：依家你知道渠系大劉，有冇後悔？
D：如果我冇撞到佢個仔都得罪渠，咁都冇計，邊有諗過渠系咁，扶手電梯個個都有權喺度㗎啦，渠自己幻想驚我睇電話一定撞到渠個仔咁，系渠慨問題囉！如果我撞到佢個仔，一定會講Sorry！但我係拎住部電話，系我同渠講我有睇路㗎先生，渠就好㷫狂爆鬧！
記者：佢話搵人打你喎！
D：都驚㗎！都打算避走東南亞，都Plan好咗旅行。
記者：追唔追究？
D：依家真繫有啲驚囉！
記者：會唔會打算報警？
D：我覺得成件事冇需要去報警咁嚴重，可能就係因為系渠一場少少罵戰會演變到全香港都知，依家個個以為我做新聞囉！黐線！要做新聞系做模嗰陣就做咗啦！使鬼等依家咩！其實我唔系一個想搞事慨人囉！我淨系想息事寧人，但系我冇錯，佢咁躁底咁鬧，我就好不忿，好嬲囉！我都有阿媽生㗎！
閱讀更多 菜喳 的文章
