“腳”在普通話中代表著一個身體的部位，但是在平湖話中“腳”不僅僅代表著一個身體部位。“腳饅頭”、“腳跬子”、“腳底心”又代表著哪些身體部位呢？而起不僅僅如此，“腳發耷”、“腳翹王天寶”卻是形容詞，猜猜它們形容的是什麼？
腳
沉渣。亦作“腳腳頭”。
格眼酒放來時間長來，底浪儕是腳，倒脫算哩。
腳頭
腳步；腳力。
①小青年做生活麼腳頭要勤快點。
②好格足球隊員腳頭儕蠻硬格。
腳邊
近期；腳旁。
①年夜腳邊每家人家儕勒準備過年小菜哩。
②格眼物事放勒臺子腳邊。
腳色
能幹、厲害的人；角色。
①伊講閒話做事體真靈清，是一個腳色。
②戲曲舞臺浪各個腳色儕有各種特點。
腳花
腳力。
身體勿好，走路腳花有眼軟。
腳班
裝卸工。
過去平湖人把裝卸工叫作腳班。
腳路
門路。
找眼工作難來，嘸沒腳路，好格單位真難進去。
腳丫泥
腳丫中的汙垢。
腳發耷
形容腳發軟。
從介高格山邊浪望落去,真是怕倒格來，走起路來是腳發耷。
腳頭松
坐不定、經常往外走。
伊是腳頭松來，屋裡坐勿牢格，只想朝外跑。
腳頭勤
喻做事幹活勤快。
伊格人做生活肯吃苦，腳頭勤，隨便啥事體跑來跑去勿喊吃力。
腳划船
用腳掌划槳的船（也同時可用手劃）
過去在平湖的城鄉河道里到處可見腳划船。
腳步鈿
勞動報酬。
格眼鈔票勿多格，做了一日天哩,腳步鈿總要撥儂格。
腳底心
腳掌。亦作“腳底板”。
平湖人常說腳底心要保暖，勿要受涼，受涼了就要生病。
腳碰腳
彼此差不多。
格兩介頭格本事和收入儕是腳碰腳。
腳跟頭
腳旁邊。
提桶擺勒腳跟頭，等歇儂拎進來。
腳跬子
腳脖子。
格段路儕是石頭，走起路來腳跬子阿要蹩脫。
腳饅頭
膝蓋。平湖有句熟語:“腳饅頭浪打瞌銃——自靠自。”
腳勿踮地
指一直在奔忙。
今朝一日天真叫是腳勿踮地，忙到格歇停阿勿停。
腳花亂來
指思緒混亂；動作失調。
格段辰光伊房子要裝修，單位裡又特別忙，伊是腳花亂來弄勿落。
腳底搨油
喻開溜。
人家儕勒忙，伊倒好腳底搦油，人阿勿見了。
腳高腳低
走路不平穩。
年紀老哩，走起路來都腳高腳低哩。
腳翹王天寶
形容一副得意樣。亦作“腳楞來”。
伊現在是每日天腳翹王天寶，吃吃白相相。
腳板朝前生，銅鈿銀子人人想
人人都想發財。
監製：徐迪蘭
閱讀更多 平湖發佈 的文章
