《都市閒情》呢個C9節目
唔經唔覺已經陪咗大家26年
最近傳佢即將停播！！！
細細個冇咁多嘢玩
最鐘意就係坐定定睇電視
雖然唔會特登去睇《都市閒情》
不過都會八卦望兩眼
睇下邊個邊個師奶又嚟煮飯仔
有好食嘅嘢
希望阿媽可以煮
今時今日
《都市閒情》依然每日教煮餸
不過有幾多後生仔會睇？
雖然唔睇
但係講到話要停播
始終有D唔捨得
據悉《都市閒情》
會變成廣告雜誌形式新節目
主攻時尚OL同家庭少婦
叫《都市流行》或《Big City Shop》
hard sale Big Big Channel旗下產品
改革後會留低舊主持
彭慧中、宋芝齡、姚嘉妮、
林淑敏、安德尊等
原班人馬繼續有工開
TVB高層餘詠珊表示
做咗咁多年都想有啲變化
「因為嗰個時段係黃金時間，
有好多OL會睇婦女節目，
所以想將節目做得生活化啲，
內容以化妝、美容、營養煮食為主，
但依家仲諗緊、度緊，
點樣改革都未定實。」
不過對於電視迷嚟講
好難接受陪伴成長嘅節目被叮走
有C9觀眾都對改革好無奈
講真
TVB啲廣告植入真係幾過分
《東張西望》《美女廚房》
《後生仔傾下偈》等節目中
鏡頭時不時出現各種產品
假如改革變廣告節目
搵邊個嚟睇？？？
而《都市閒情》一班主持
就話未收到改革消息
彭慧中：「我都係等通知咋，
希望繼續有工開。
節目真係好深入民心，
但如果公司真係有新嘅安排，
都係為節目做到最好。」
姚嘉妮：「冇收到消息我會冇得做！
我諗公司都會好快通知我哋！
希望一直支持《都市閒情》嘅觀眾
繼續支持我哋啦！」
宋芝齡話睇到報道
先知道節目將會停播
暫時未知公司嘅方向
但佢依然會如常拍攝
你哋會唔會唔捨得呢個節目？
官方微信：可樂生活color(colorcolor818)
官方唯一商務合作QQ：190218206
分享到:
閱讀更多 可樂生活color 的文章
