《都市闲情》呢个C9节目
唔经唔觉已经陪咗大家26年
最近传佢即将停播！！！
细细个冇咁多嘢玩
最钟意就係坐定定睇电视
虽然唔会特登去睇《都市闲情》
不过都会八卦望两眼
睇下边个边个师奶又嚟煮饭仔
有好食嘅嘢
希望阿妈可以煮
今时今日
《都市闲情》依然每日教煮餸
不过有几多后生仔会睇？
虽然唔睇
但係讲到话要停播
始终有D唔舍得
据悉《都市闲情》
会变成广告杂志形式新节目
主攻时尚OL同家庭少妇
叫《都市流行》或《Big City Shop》
hard sale Big Big Channel旗下产品
改革后会留低旧主持
彭慧中、宋芝龄、姚嘉妮、
林淑敏、安德尊等
原班人马继续有工开
TVB高层余咏珊表示
做咗咁多年都想有啲变化
「因为嗰个时段係黄金时间，
有好多OL会睇妇女节目，
所以想将节目做得生活化啲，
內容以化妆、美容、营养煮食为主，
但依家仲谂紧、度紧，
点样改革都未定实。」
不过对于电视迷嚟讲
好难接受陪伴成长嘅节目被叮走
有C9观众都对改革好无奈
讲真
TVB啲广告植入真係几过分
《东张西望》《美女厨房》
《后生仔倾下偈》等节目中
镜头时不时出现各种产品
假如改革变广告节目
揾边个嚟睇？？？
而《都市闲情》一班主持
就话未收到改革消息
彭慧中：「我都係等通知咋，
希望继续有工开。
节目真係好深入民心，
但如果公司真係有新嘅安排，
都係为节目做到最好。」
姚嘉妮：「冇收到消息我会冇得做！
我谂公司都会好快通知我哋！
希望一直支持《都市闲情》嘅观众
继续支持我哋啦！」
宋芝龄话睇到报道
先知道节目将会停播
暂时未知公司嘅方向
但佢依然会如常拍摄
你哋会唔会唔舍得呢个节目？
官方微信：可乐生活color(colorcolor818)
官方唯一商务合作QQ：190218206
分享到:
閱讀更多 可樂生活color 的文章
