大劉96年開始成立慈善基金（劉鑾雄基金）
又以母親劉葉淑婉之名，開了有一家名為「劉葉淑婉紀念慈善基金有限公司」，名下有自修中心，幫助窮困學生，位於石硤尾。「石硤尾對我其實我都有啲感情，因為我爸爸六十幾年前開過米鋪，後尾冇做，租咗俾人開茶餐廳。我十一、二歲已經去嗰度收租。嗰區真系比較貧窮啲，同埋多潮州人。」
除了提供自修室，慈善基金還會舉行很多活動，如補習英文、興趣班等等
劉鑾雄基金成立至今，所捐款項已逾30億，他說：「以有錢佬嚟講繫好細數，喺我嚟講繫好大數。同埋我哋捐慨錢，繫有感而發去捐。」至於受助對象，大劉說：「好多單親家庭都好慘，渠哋好慘，最慘系你拎綜援都冇用，你得嗰七、八千蚊、八九千蚊或者一萬蚊，都唔夠用。一個大人，幾個細路，我哋幫好多呢啲。」
有時大劉睇新聞，見到一些個案，亦會主動幫手，例子不贅
「日日都有做，成個家庭咁樣幫。有啲人真繫好慘，雖然我冇親自落去探渠哋，但同事會去家訪，影相俾番我睇，真繫好可憐。 」講到最印象最深，大劉表示：「有啲好慘㗎，渠哋同我講，要搭個幾鐘頭車先出到去政府啲公共圖書館用到電腦，我哋即刻買部電腦俾渠用；冇錢上網，我哋又俾錢渠上網。啲細路哥，唔用電腦，用珠算呀？」
我成日同依家慨太太講，我寧願自己省點用，幫得幾多就儘量幫
大劉講到明幫得就幫，所謂「授人以魚，不如授之以漁」，有見及此，大劉亦有以獎學金方式為有需要之群眾提供幫助：「我哋希望可以，慢慢幫，由小學幾年班，幫到讀緊中學、大學，我哋都幫緊，希望渠哋大學畢業，可以脫貧、自力更生。」
好多香港啲學生，冇錢去外國讀書，去英國澳洲，我亦都有資助渠哋幾年學費，直至渠哋畢業
有啲可能唔夠錢買電腦，我都有資助。但繫好多人得到人慨幫助之後就冇咗下文，冇任何回饋。我見得好多。有個單親媽咪，喺政府做清潔女工，洗公廁，含辛茹苦，養大個咗個女，送個女去英國讀精算。結果個女去到嗰邊，嫁咗個印度人，移民咗去印度，連阿媽都唔理，你睇到都好傷感。但有咩辦法？人性就係咁，有幾多人識感恩？有幾多人飲水思源？但我哋幫得都儘量幫，但有時好難講，能力始終有限，唔可以做到啲乜嘢，但系見到有需要慨時候咪幫一幫，扶一扶，系咁多。」
閱讀更多 江湖猛人上海仔 的文章
