无线台庆剧《跳跃生命线》噚晚首播，医疗剧虽然拍过好多次，但以救护员做题材慨就系第一次，而且剧集由离巢2年马德钟带领多位新进小生同小花演出，好似有刘佩玥、陈滢、张曦雯、何广沛、郭子豪、罗天宇及张彦博等等，好有新鲜感。播咗第一集，唔知观众有咩反应呢？
1. 题材吸引
医疗剧向来有收视保证，剧集未出街已经唔少网民话想睇。剧集系拯救生命慨故事，但唔再系医生同护士，而系消防救护员。题材新鲜吸引，带观众了解救护员神秘慨一面。
2. 唔想Ali咁快死
李佳芯（Ali）饰演救护员麦在田（马德钟饰）慨老婆章蕙芯，夫妻二人非常恩爱，可惜蕙芯喺一宗交通意外死亡，在田父兼母职照顾女儿诺儿。Ali第一集就死咗，搞到班网民留言话唔想佢咁快死，甚至话已经可以弃剧。
3. 马德钟好型
年过50慨马德钟，越嚟越有型，身形fit爆，着咩制服基本上都难唔到渠，今次着起救护员制服同以前一样入型入格，冇令观众失望。佢冇拍无线剧咁耐，唔少观众都好期待，好彩渠都冇令观众失望，尤其系认尸一幕，唔少网民大赞佢好戏，睇完个心好唔舒服、好感动。
4. 制作认真有诚意
今次制作好有诚意，汇集咗大量真实个案，又喺百胜角消防及救护学院﹙FASA﹚和长沙湾救护站实地取景，难怪网民话有烈火雄心慨感觉，仲话暂时睇落拍得几认真几写实，希望剧集唔好虎头蛇尾！另外，喺第一集就已经有两单意外，剧情紧凑，令观众感受到救护员辛苦一面。
5. 张文慈几衬做八婆角色
张文慈（Pinky）今次喺剧中饰演马德钟家姐，好贪靓好注重自己仪表，咩都嘈一餐，网民赞渠演得入型入格！
6. 何广沛唔似小巴司机
何广沛一向都系做温文儒雅有气质慨角色，但喺第一集渠竟然系饰演小巴司机，讲嘢粗声粗气又麻甩，同渠形象完全唔衬。可能喺观众心目中，林雪做小巴司机系无可取代。
閱讀更多 德理DL 的文章
