無線臺慶劇《跳躍生命線》噚晚首播，醫療劇雖然拍過好多次，但以救護員做題材慨就係第一次，而且劇集由離巢2年馬德鍾帶領多位新進小生同小花演出，好似有劉佩玥、陳瀅、張曦雯、何廣沛、郭子豪、羅天宇及張彥博等等，好有新鮮感。播咗第一集，唔知觀眾有咩反應呢？
1. 題材吸引
醫療劇向來有收視保證，劇集未出街已經唔少網民話想睇。劇集系拯救生命慨故事，但唔再系醫生同護士，而系消防救護員。題材新鮮吸引，帶觀眾瞭解救護員神秘慨一面。
2. 唔想Ali咁快死
李佳芯（Ali）飾演救護員麥在田（馬德鍾飾）慨老婆章蕙芯，夫妻二人非常恩愛，可惜蕙芯喺一宗交通意外死亡，在田父兼母職照顧女兒諾兒。Ali第一集就死咗，搞到班網民留言話唔想佢咁快死，甚至話已經可以棄劇。
3. 馬德鐘好型
年過50慨馬德鍾，越嚟越有型，身形fit爆，著咩制服基本上都難唔到渠，今次著起救護員制服同以前一樣入型入格，冇令觀眾失望。佢冇拍無線劇咁耐，唔少觀眾都好期待，好彩渠都冇令觀眾失望，尤其系認屍一幕，唔少網民大讚佢好戲，睇完個心好唔舒服、好感動。
4. 製作認真有誠意
今次製作好有誠意，彙集咗大量真實個案，又喺百勝角消防及救護學院﹙FASA﹚和長沙灣救護站實地取景，難怪網民話有烈火雄心慨感覺，仲話暫時睇落拍得幾認真幾寫實，希望劇集唔好虎頭蛇尾！另外，喺第一集就已經有兩單意外，劇情緊湊，令觀眾感受到救護員辛苦一面。
5. 張文慈幾襯做八婆角色
張文慈（Pinky）今次喺劇中飾演馬德鍾家姐，好貪靚好注重自己儀表，咩都嘈一餐，網民贊渠演得入型入格！
6. 何廣沛唔似小巴司機
何廣沛一向都系做溫文儒雅有氣質慨角色，但喺第一集渠竟然系飾演小巴司機，講嘢粗聲粗氣又麻甩，同渠形象完全唔襯。可能喺觀眾心目中，林雪做小巴司機系無可取代。
閱讀更多 德理DL 的文章
