一眾亞視、麗的電視出身的藝人包括寶珮如、李影、潘志文、楊玉梅、劉錫賢及劉緯民等，晚上現身電視城，錄影節目《流行經典50年》，眾人寓工作於娛樂，趁機敍舊一番。
寶珮如和老公到場支持，不過後者怕醜拒絕合照。自言“唔悶得”的寶珮如，坦言因新冠肺炎疫情，老公下令暫時不可再約朋輩飯敍：“不過佢鼓勵我去旅行喎，過年前仲叫我去臺中住幾個月先返嚟，佢因為搵食唔會一齊去，咁我梗系唔會掉低佢啦，所以留咗喺香港。聽日我會同黑妹姐（李麗霞）飛去泰國玩10日，返嚟睇嚇疫程點再作打算。”
原來剛過去的情人節寶珮如老公放大假，夫婦倆出機票打算往上海放假，最終行程取消：“真系唔敢出發。（咁點慶祝情人節？）兩個人喺度打邊爐，人哋燭光晚餐，我哋只系燈光晚餐。不過香港人有堅毅精神，經過咗唔少高山低谷，一定明天會更好。”
分享到:
閱讀更多 娛樂三國 的文章
