《死侍2》上個禮拜已經上映咗
從票房上睇
影迷對死侍嘅熱愛程度
仲勁過《復聯3》啊
其中玩電鞭嘅GA妹Yukio(雪緒)
雖然戲份唔多
卻成為fans瘋狂搜索嘅對象
忽那汐裡飾演嘅Yukio
係「彈頭」嘅女朋友
能夠操縱雷電使用電鞭
電影中同死侍嘅互動都好可愛
fans睇過之後對佢念念不忘
IG粉絲數目持續上升
唔少fans都嚟留言「Hi Yukio！」
原因係片中死侍每次見到Yukio
都會煞有介事咁打招呼：「Hi Yukio！」
然後忽那汐裡就會講：「Hi/Bye Wade！」
fans就有樣學樣
喺忽那汐裡IG留言洗板
編劇Paul Wernick
都大讚忽那汐裡表現出色
覺得Yukio戲份太少
希望以後有機會加戲
忽那汐裡現時25歲
加入漫威宇宙後全球爆紅
其實佢一直都係潛力股
出生於澳洲
並喺當地長大
所以講英文非常流利
2006年嘅時候參加國民美少女大賽
奪得評委會特別獎
隔年正式出道
曾經出演過《3年B組的金八老師》
《家政婦三田》《鴨川食堂》等日劇
真人版《柯南》
飾演女主角毛利蘭
從影之後曾經奪得
日本電影學院獎最佳新人獎
TAMA映畫祭最優秀新進女優賞
近年挑戰大銀幕嘅忽那汐裡
喺侯孝賢電影《刺客聶隱娘》
飾演妻夫木聰妻子
喺《女人沉睡時》與北野武飾演情侶
識講流利嘅英文係佢一大優勢
忽那汐裡與Jared Leto飾演戀人
忽那汐裡嘅發展越來越國際化
今次通過《死侍2》爆紅
相信對佢未來嘅發展有好大幫助
你覺得佢點？
分享到:
閱讀更多 可樂生活color 的文章
